ബംഗളൂരു: ഐപിഎല് പോരാട്ടത്തിന്റെ പുതിയ സീസണ് പടിവാതില്ക്കല് നില്ക്കെ ന്യൂസിലന്ഡ് ഓള്റൗണ്ടര് മൈക്കല് ബ്രെയ്സ്വെല്ലിനെ ടീമിലെത്തിച്ച് റോയല് ചലഞ്ചേഴ്സ് ബാംഗ്ലൂര്. പരിക്കേറ്റ് പുറത്തായ ഇംഗ്ലണ്ട് താരം വില് ജാക്സിന്റെ പകരക്കാരനായാണ് ബെയ്സ്വെല് ആര്സിബി ക്യാമ്പിലെത്തുന്നത്.
ഇംഗ്ലണ്ട്- ബംഗ്ലാദേശ് ഏകദിന പോരാട്ടത്തിനിടെയാണ് വില് ജാക്സിന് പരിക്കേറ്റത്. ഇതോടെയാണ് താരത്തിന് ഐപിഎലും നഷ്ടമായത്. ഒരു കോടി രൂപയുടെ അടിസ്ഥാന വിലയ്ക്കാണ് ബ്രെയ്സ്വെല് എത്തുന്നത്.
ഏകദിനത്തിലും ടി20യിലും ഏറെ പരിചയ സമ്പത്തുള്ള താരമാണ് 32 കാരനായ കിവി താരം. 117 ടി20 പോരാട്ടത്തില് 2284 റണ്സാണ് താരത്തിന്റെ സമ്പാദ്യം. 30.86 ആവറേജില് 133.48 ആണ് സ്ട്രൈക്ക് റേറ്റ്. ഒരു സെഞ്ച്വറിയും 13 അര്ധ സെഞ്ച്വറിയും താരം നേടിയിട്ടുണ്ട്. 40 വിക്കറ്റുകളും പിഴുതു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ