ഐപിഎൽ 16-ാം സീസണിലെ ആദ്യ ക്വാളിഫയർ പോരാട്ടത്തിന് നിലവിലെ ചാമ്പ്യന്മാരെ നേരിടാൻ ധോനിയുടെ ചെന്നൈ പട ഇറങ്ങിയപ്പോൾ ജയസാധ്യത കൂടുതൽ കൽപ്പിക്കപ്പെട്ടിരുന്നത് ഗുജറാത്ത് ടൈറ്റൻസിനായിരുന്നു. ലീഗ് കളികളിൽ മികച്ച പ്രകടനം കാഴ്ച്ചവച്ചെത്തിയ ടൈറ്റൻസ് നിഷ്പ്രയാസം ഫൈനലിലേക്ക് കടക്കുമെന്ന് കരുതിയെങ്കിലും കളി തുടങ്ങിയപ്പോൾ കാര്യങ്ങൾ മാറിമറിഞ്ഞു. ആദ്യന്തം ചെന്നൈക്കൊപ്പം നിന്ന മത്സരം ജയിച്ച്, ആവേശം ഒട്ടും ചോരാതെ, ഫൈനൽ പ്രവേശനം നടത്തിയിരിക്കുകയാണ് ധോനിയും സംഘവും.
സിഎസ്കെയുടെ വിജയം ചെന്നൈ ടീമിന്റെ മാത്രമല്ല, ലക്ഷക്കണക്കിന് ആരാധകരുടേത് കൂടിയാണ്. അതുകൊണ്ടുതന്നെ പ്രിയപ്പെട്ട ടീമിന്റെ വിജയനിമിഷങ്ങൾ ആവേശത്തോടെ ആരാധകർ കൊണ്ടാടും. ഫൈനൽ ഉറപ്പിച്ച ആ നിമിഷം ഗാലറിയിൽ ചെന്നൈയുടെ ഏറ്റവും വലിയ ഫാൻസ് ആയ രണ്ടുപേരിലേക്കാണ് കാമറ തിരിഞ്ഞത്. അതേ, സാക്ഷി സിങ്ങും, സിവ സിങ് ധോനിയും.
ചെന്നെെയുടെ വിജയനിമിഷം സാക്ഷി സ്വയം മറന്ന് കുതിച്ചുചാടി, സിവയാകട്ടെ അമ്മയ്ക്ക് ഉമ്മ തൽകി അച്ഛന്റെ നോട്ടം ആഘോഷമാക്കി. ധോനി മകളെ ചേർത്തുപിടിക്കുന്നതും വിഡിയോയിൽ കാണാം. ഈ മനോഹര ദൃശ്യങ്ങളാണ് ഇപ്പോൾ ട്വിറ്ററിൽ ശ്രദ്ധനേടുന്നത്. ഇന്നത്തെ ഏറ്റവും മനോഹരമായ കാഴ്ച്ചയാണ് ഈ വിഡിയോ എന്നാണ് ആരാധകർ ഇതിനെ വിശേഷിപ്പിക്കുന്നത്.
ഗുജറാത്ത് ടൈറ്റൻസിനെ 15 റണ്ണിന് തോൽപ്പിച്ച് ധോനിയും സംഘവും ഫൈനലിൽ പ്രവേശിച്ചത്. ചെന്നെെ ഉയർത്തിയ 173 റൺസ് വിജയലക്ഷ്യം പിന്തുടർന്ന ടൈറ്റൻസ് 20 ഓവറിൽ 157 റൺസിന് എല്ലാവരും പുറത്തായി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
