കടന്നാക്രമിച്ച് ഓസീസ് ഓപ്പണര്‍മാര്‍; 8.5 ഓവറില്‍ 100 കടന്നു; വാര്‍ണര്‍ക്കും ഹെഡ്ഡിനും അര്‍ധ സെഞ്ച്വറി
ധരംശാല: ന്യൂസിലന്‍ഡിനെതിരെ മിന്നലടികളുമായി ഓസ്‌ട്രേലിയ. ടോസ് നേടി ന്യൂസിലന്‍ഡ് ബൗളിങ് തിരഞ്ഞെടുക്കുകയായിരുന്നു. ഓപ്പണിങില്‍ മിച്ചല്‍ മാര്‍ഷിനെ മാറ്റി വാര്‍ണര്‍ക്കൊപ്പം ട്രാവിസ് ഹെഡ്ഡിനെ ഇറക്കിയ ഓസീസ് തന്ത്രം ഫലം കണ്ടു.
ഇരുവരും ചേര്‍ന്നു അതിവേഗമാണ് ബോര്‍ഡില്‍ റണ്‍സ് ചേര്‍ത്തത്. 8.5 ഓവറില്‍ ടീം 100 കടന്നു.
ഓസീസ് ഓപ്പണര്‍മാര്‍ അര്‍ധ സെഞ്ച്വറികളുമായി കുതിക്കുകയാണ്. വാര്‍ണര്‍ വെറും 28 പന്തില്‍ അഞ്ച് സിക്സും മൂന്ന് ഫോറും സഹിതം 50 റണ്‍സെടുത്തു. വാർണർ 6 സിക്സും 5 ഫോറും സഹിതം 65 റൺസുമായി ക്രീസിൽ.
ഹെഡ്ഡ് 25 പന്തില്‍ ആറ് ഫോറും നാല് സിക്സും സഹിതം 50 റണ്‍സെടുത്തു. ഒടുവില്‍ വിവരം കിട്ടുമ്പോള്‍ ഓസ്‌ട്രേലിയ 10 ഓവറില്‍ വിക്കറ്റ് നഷ്ടമില്ലാതെ 118 റണ്‍സെന്ന നിലയില്‍.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
