ധരംശാല: ലോകകപ്പില്‍ ഓസ്‌ട്രേലിയക്കെതിരായ മത്സരത്തില്‍ ടോസ് നേടിയ ന്യൂസിലാന്‍ഡ് ബൗളിങ് തെരഞ്ഞെടുത്തു. രാവിലെ ധരംശാലയിലാണ് മത്സരം. പോയിന്റ് പട്ടികയിലെ രണ്ടാംസ്ഥാനത്താണ് ന്യൂസിലന്‍ഡ്. ഓസീസ് നാലാമതുമാണ്. അഞ്ചു മല്‍സരങ്ങളില്‍ നിന്നും കിവികള്‍ക്കു എട്ടും ഓസീസിനു ആറും പോയിന്റാണുള്ളത്.
നാലു തുടര്‍ വിജയങ്ങള്‍ക്കു ശേഷം അവസാന മല്‍സരത്തില്‍ ഇന്ത്യയോടു തോറ്റതിന്റെ നിരാശ മായ്ക്കാനുറച്ചാണ് ന്യൂസിലാന്‍ഡ് ഓസീസുമായി പോരടിക്കുക. ഇന്നു മികച്ച മാര്‍ജിനില്‍ വിജയിക്കാനായാല്‍ പോയിന്റ് പട്ടികയില്‍ ഇന്ത്യയെ മൂന്നാംസ്ഥാനത്തേക്കു പിന്തള്ളി രണ്ടാമതെത്താന്‍ കിവികള്‍ക്കു സാധിക്കും. കാരണം നെറ്റ് റണ്‍റേറ്റില്‍ ഇന്ത്യയേക്കാള്‍ മുകളിലാണ് ന്യൂസിലാന്‍ഡിന്റെ സ്ഥാനം.
മറുഭാഗത്തു രണ്ടു തുടര്‍ തോല്‍വികള്‍ക്കു ശേഷം ശക്തമായ തിരിച്ചുവരവ് നടത്തിയാണ് ഓസ്‌ട്രേലിയ ടോപ്പ് ഫോറിലേക്കു കുതിച്ചത്. അവസാനത്തെ മൂന്നു മല്‍സരങ്ങളിലും കംഗാരുപ്പട തോല്‍വിയറിഞ്ഞിട്ടില്ല.ന്യൂസിലാന്‍ഡിനെതിരേയും വിജയകുതിപ്പ് തുടരാന്‍ തന്നെയായിരിക്കും പാറ്റ് കമ്മിന്‍സിന്റെയും സംഘത്തിന്റെയും ലക്ഷ്യം. ജയിക്കാനായാല്‍ എട്ടു പോയിന്റുമായി ഓസീസ് ന്യൂസിലാന്‍ഡിനൊപ്പമെത്തുകയും ചെയ്യും. പക്ഷെ നെറ്റ് റണ്‍റേറ്റില്‍ കിവികള്‍ക്കു പിറകിലായതിനാല്‍ മൂന്നാംസ്ഥാനത്തേക്കു കയറാന്‍ ഓസീസിനു സാധിക്കില്ല.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
