സിറാജിന്റെ പന്തിന്റെ വേ​ഗം 181.6 കിലോമീറ്റർ! കണക്കു കൂട്ടൽ പിഴച്ച് സ്പീഡ് ​ഗൺ, വൈറൽ

അഡ്‌ലെയ്ഡ്: ഇന്ത്യയുടെ മുഹമ്മദ് സിറാജ് ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിൽ 181.6 കിലോ മീറ്റർ വേ​ഗതയിൽ പന്തെറിഞ്ഞു! ക്രിക്കറ്റ് ലോകത്ത് അമ്പരപ്പ് സൃഷ്ടിച്ച ഒരു കണക്കാണ് ഇപ്പോൾ പുറത്തു വന്നത്. നിമിഷങ്ങൾക്കുള്ളിൽ ഈ വേ​ഗം സാമൂഹിക മാധ്യമങ്ങളിൽ ആരാധകർ ഏറ്റെടുക്കുകയും ചെയ്തു.

പക്ഷേ സം​ഗതി തെറ്റാണെന്നു പെട്ടെന്നു തന്നെ തെളിഞ്ഞു. സ്പീഡ് ​ഗണ്ണിനു സംഭവിച്ച പിഴവാണ് കണ്ണഞ്ചിപ്പിക്കുന്ന വേ​ഗത്തിനു പിന്നിലെന്നു വ്യക്തമായി.

3 വിക്കറ്റുകള്‍ വീഴ്ത്തി ബുംറ; വീണ്ടും പരാജയപ്പെട്ട് സ്മിത്ത്

ഓസ്ട്രേലിയ ഒന്നാം ഇന്നിങ്സ് ബാറ്റ് ചെയ്യുന്നതിനിടെയാണ് സിറാജിന്റെ പന്തിന്റെ വേ​ഗം തെറ്റായി രേഖപ്പെടുത്തിയത്. ക്രിക്കറ്റ് ചരിത്രത്തിൽ ഇതുവരെ ഒരു താരവും ഇത്രയും വേ​ഗത്തിൽ പന്തെറിഞ്ഞിട്ടില്ല.

ലോക ക്രിക്കറ്റിൽ ഏറ്റവും വേ​ഗതയിൽ പന്തെറിഞ്ഞതിന്റെ റെക്കോർഡ് പാകിസ്ഥാൻ പേസ് ഇതിഹാസം ഷൊയ്ബ് അക്തറിന്റെ പേരിലാണ്. 161.3 കിലോ മീറ്റർ വേ​ഗതയിൽ പന്തെറിഞ്ഞ അക്തറിന്റെ റെക്കോർഡിന് ഇന്നും ഇളക്കം വന്നിട്ടില്ല. അതിനിടെയാണ് അവിശ്വസനീയ വേ​ഗവുമായി മുഹമ്മദ് സിറാജ് വന്നത്.