ഒറ്റ ഓവറില്‍ എറിഞ്ഞത് 13 പന്തുകള്‍! ലക്കും ലഗാനുമില്ലാതെ നവീന്‍ ഉള്‍ ഹഖ് (വിഡിയോ)
ഹരാരെ: സിംബാബ്‌വെക്കെതിരായ ഒന്നാം ടി20യില്‍ അഫ്ഗാനിസ്ഥാന് ദയനീയ തോല്‍വി. നാല് വിക്കറ്റിന് തോറ്റ മത്സരത്തില്‍ ശ്രദ്ധേയമായതു അഫ്ഗാന്‍ പേസര്‍ നവീന്‍ ഉള്‍ ഹഖിന്റെ 15ാം ഓവര്‍. വൈഡും നോബോളുമായി താരം ഈ ഓവറില്‍ എറിഞ്ഞത് 13 പന്തുകള്‍!
മത്സരത്തില്‍ ആദ്യം ബാറ്റ് ചെയ്ത അഫ്ഗാനിസ്ഥാന് 6 വിക്കറ്റ് നഷ്ടത്തില്‍ 144 റണ്‍സെടുത്തു. സിംബാബ്‌വെ 20 ഓവറില്‍ 6 വിക്കറ്റ് നഷ്ടത്തില്‍ 145 റണ്‍സ് അടിച്ചെടുത്തു.
സിംബാബ്‌വെ ബാറ്റ് ചെയ്യുന്നതിനിടെ 15ാം ഓവര്‍ എറിയാനെത്തിയത് നവീന്‍ ഉള്‍ ഹഖ്. അപ്പോള്‍ 30 പന്തില്‍ 57 റണ്‍സാണ് സിംബാബ്‌വെക്ക് ജയത്തിലേക്ക് വേണ്ടിയിരുന്നത്.
നവീന്‍ എറിഞ്ഞ ആദ്യ പന്ത് വൈഡായി. രണ്ടാം പന്തില്‍ 1 റണ്‍. മൂന്നാം പന്ത് നോ ബോളും കൂടാതെ ഫോറും. അതോടെ വന്നത് 5 റണ്‍സ്. പിന്നീട് തുടരെ 4 പന്തുകള്‍ നവീന്‍ വൈഡ് തന്നെ എറിഞ്ഞു. അടുത്ത പന്തില്‍ ഫോര്‍ റണ്‍സ്. തൊട്ടടുത്ത പന്തില്‍ വിക്കറ്റ് വീഴ്ത്തി നവീന്‍ ആശ്വസിച്ചു. 10, 11 പന്തുകളില്‍ ഓരോ റണ്‍സ് വീതം. 12ാം പന്ത് വീണ്ടും വൈഡ്. ഒടുവില്‍ അവസാന പന്തില്‍ വീണ്ടും സിംഗിള്‍. ഈ ഒറ്റ ഓവറില്‍ അധികം അധ്വാനമില്ലാതെ 7 റണ്‍സ് സിംബാബ്‌വെയ്ക്ക് കിട്ടി. നവീന്‍ ഈ ഓവറില്‍ മൊത്തം 19 റണ്‍സ് വഴങ്ങി.
എങ്കിലും ഈ ഓവറിലെ ധാരാളിത്തം മാറ്റി നിര്‍ത്തിയാല്‍ മത്സരത്തില്‍ 3 വിക്കറ്റുകള്‍ വീഴ്ത്തി താരം തിളങ്ങി. ക്യാപ്റ്റന്‍ റാഷിദ് ഖാന്‍ രണ്ട് വിക്കറ്റുകള്‍ സ്വന്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
