സിംഗപുര്‍: ലോക ചെസ് ചാംപ്യന്‍ഷിപ്പ് ഫൈനലില്‍ ഇന്ത്യന്‍ താരം ഡി ഗുകേഷ് തിരിച്ചെത്തി. നിലവിലെ ലോക ചാംപ്യന്‍ ഡിങ് ലിറനുമായുള്ള പോരാട്ടത്തിന്റെ രണ്ടാം മത്സരത്തില്‍ ഗുകേഷ് സമനില പിടിച്ചു. 23 നീക്കങ്ങള്‍ക്കൊടുവിലാണ് സമനിലയില്‍ പിരിയാന്‍ ഇരു താരങ്ങളും തീരുമാനിച്ചത്.
ആദ്യ മത്സരത്തില്‍ തോല്‍വി വഴങ്ങിയാണ് ഇന്ന് ഗുകേഷ് രണ്ടാം മത്സരത്തിനു ഇരുന്നത്. കറുത്ത കരുക്കളുമായി കളിച്ചാണ് ഇന്ത്യന്‍ താരം സമനില പിടിച്ചത്. പത്ത് മത്സരങ്ങളാണ് ലോക ചാംപ്യന്‍ നിര്‍ണയിക്കാന്‍ അരങ്ങേറുന്നത്.
ലോക ചെസ് ചാംപ്യന്‍ഷിപ്പിന്റെ ഫൈനല്‍ കളിക്കുന്ന ഏറ്റവും പ്രായം കുറഞ്ഞ താരമെന്ന അനുപമ നേട്ടവുമായാണ് 18കാരനായ ഗുകേഷ് മത്സരിക്കുന്നത്. ഇതിഹാസ താരം വിശ്വനാഥന്‍ ആനന്ദിനു ശേഷം ലോക ചാംപ്യനാകുന്ന ഇന്ത്യന്‍ താരമെന്ന നേട്ടവും താരത്തിനു മുന്നിലുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
