കിരീടം ചൂടി യാനിക് സിന്നര്‍; യുഎസ് ഓപ്പണ്‍ വിജയിക്കുന്ന ആദ്യ ഇറ്റാലിയന്‍ താരം

ന്യൂയോര്‍ക്ക്: യുഎസ് ഓപ്പൺ പുരുഷ സിംഗിൾസ് കിരീടം ഇറ്റാലിയൻ താരം യാനിക് സിന്നറിന്. ഫൈനലിൽ യുഎസിന്റെ ടെയ്‍ലർ ഫ്രിറ്റ്സ‍ി തോല്‍പ്പിച്ചാണ് യാനിക് സിന്നിറിന്‍റെ കിരീടനേട്ടം. സ്കോര്‍ 6–3,6–4, 7–5. 23കാരനായ സിന്നറുടെ രണ്ടാം ഗ്രാൻഡ് സ്‍ലാം കിരീടമാണിത്. ഈ വര്‍ഷം ആദ്യം ഓസ്ട്രേലിയൻ ഓപ്പൺ കിരീടം സ്വന്തമാക്കിയിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

മത്സരത്തിന്റെ തുടക്കം മുതൽ തന്നെ സിന്നര്‍ ആധിപത്യം കാണിച്ചു. 6-3 ന് ആദ്യ സെറ്റ് പിടിച്ചു. രണ്ടാം സെറ്റില്‍ ഫ്രിറ്റ്സ് മികച്ച പ്രകടനം കാഴ്ചവെച്ചതോടെ മത്സരം കടുത്തു. 3-3 എന്ന നിലയില്‍ നിന്ന് 6-4ന് യാനിക് സിന്നര്‍ കളി പിടിക്കുകയായിരുന്നു. മൂന്നാം സെറ്റിലും 1–1 എന്ന നിലയിലായിരുന്നു ഒരു ഘട്ടത്തിലെ പോരാട്ടം. പിന്നീട് ഫ്രിറ്റ്സ് 5–3ന് മുന്നിലെത്തി. എന്നാല്‍ ശക്തമായി തിരിച്ചടിച്ച സിന്നർ 7-5 മൂന്നാം സെറ്റ് പിടിച്ച് യുഎസ് ഓപ്പണ്‍ സ്വന്തമാക്കി.

സെമിയിൽ ബ്രിട്ടന്റെ ജാക് ഡ്രേപ്പറെ 7–5,7–6 (7–3), 6–2 എന്ന സ്കോറിൽ പരാജയപ്പെടുത്തിയാണ് സിന്നര്‍ യുഎസ് ഓപ്പൺ ഫൈനലിലെത്തുന്ന ആദ്യ ഇറ്റാലിയൻ താരമായത്. കിരീടനേട്ടത്തോടെ യുഎസ് ഓപ്പൺ വിജയിക്കുന്ന ആദ്യ ഇറ്റാലിയൻ താരവുമായി ഈ 23 കാരന്‍.