Kohli- Bumrah: നേരിട്ട ആദ്യ പന്തിൽ തന്നെ ബുംറയെ സിക്സർ തൂക്കി കോഹ്‍ലി! വിഡിയോ വൈറൽ

മുംബൈ: ‌പരിക്കു മാറി വീണ്ടും കളത്തിലേക്ക് തിരിച്ചെത്തിയ സൂപ്പർ പേസർ ജസ്പ്രിത് ബുംറയുടെ മടങ്ങി വരവ് മികച്ചതായില്ല. ഐപിഎല്ലിൽ റോയൽ ചലഞ്ചേഴ്സ് ബം​ഗളൂരുവിനെതിരായ പോരാട്ടത്തിൽ മുംബൈ ഇന്ത്യൻസ് ജേഴ്സിയിൽ ഇറങ്ങിയ താരം ആദ്യ ഓവറിൽ 10 റൺസ് വഴങ്ങി. ടോസ് നേടി മുംബൈ ബൗളിങ് തിരഞ്ഞെടുക്കുകയായിരുന്നു.

ഇന്നിങ്സിന്റെ നാലാം ഓവറിലാണ് ബുംറ പന്തെടുത്തത്. ആർസിബി ഈ ഘട്ടത്തിൽ 1 വിക്കറ്റ് നഷ്ടത്തിൽ 33 റൺസെന്ന നിലയിലായിരുന്നു. ബുംറയുടെ ആദ്യ പന്ത് നേരിട്ടത് ദേവ്ദത്ത് പടിക്കൽ. അടുത്ത പന്ത് നേരിട്ടത് വിരാട് കോഹ്‍ലി. ഡീപ് മിഡ് വിക്കറ്റിനു മുകളിലൂടെ സിക്സർ തൂക്കിയാണ് കോഹ്‍ലി ബുംറയെ നേരിട്ടത്.

Jasprit Bumrah: 'ബുംറയുടെ ആദ്യ പന്ത് തന്നെ സിക്സോ ഫോറോ തൂക്കും!'

ഓസ്ട്രേലിയക്കെതിരായ ബോർഡർ- ​ഗാവസ്കർ ട്രോഫി പോരാട്ടത്തിനിടെയാണ് ബുംറയ്ക്കു പരിക്കേറ്റത്. താരത്തിനു ചാംപ്യൻസ് ട്രോഫി പോരാട്ടം കളിക്കാനും സാധിച്ചിരുന്നില്ല. ഐപിഎല്ലിലെ മുംബൈയുടെ ആദ്യ മത്സരങ്ങളും താരത്തിനു നഷ്ടമായി. പിന്നാലെയാണ് കഴിഞ്ഞ ദിവസം പരിക്ക് പൂർണമായി മാറി ബുംറ ടീമിൽ തിരിച്ചെത്തിയത്.