ആദിത്യ സാര്‍വതെയ്ക്ക് അര്‍ധ സെഞ്ച്വറി; 100 കടന്നു മുന്നോട്ട്, രഞ്ജി ഫൈനലില്‍ കേരളം പൊരുതുന്നു
നാഗ്പുര്‍: രഞ്ജി ട്രോഫി ക്രിക്കറ്റ് ഫൈനലില്‍ ഒന്നാം ഇന്നിങ്സ് തുടങ്ങിയ കേരളം പൊരുതുന്നു. കേരളം 100 കടന്നു. വിദര്‍ഭയെ 379 റണ്‍സില്‍ പുറത്താക്കാന്‍ കേരളത്തിനു സാധിച്ചു. തുടക്കത്തില്‍ രണ്ട് വിക്കറ്റ് നഷ്ടമായ കേരളത്തെ മൂന്നാം വിക്കറ്റില്‍ ഒന്നിച്ച ആദിത്യ സാര്‍വതെ, അഹമ്മദ് ഇമ്രാന്‍ സഖ്യം മുന്നോട്ടു നയിക്കുകയായിരുന്നു. അതിനിടെ അഹമ്മദ് ഇമ്രാന്‍ പുറത്തായി. നിലവില്‍ കേരളം 3 വിക്കറ്റ് നഷ്ടത്തില്‍ 122 റണ്‍സെന്ന നിലയില്‍.
ആദിത്യ സാര്‍വതെ അര്‍ധ സെഞ്ച്വറിയുമായി പൊരുതുന്നു. താരം 90 പന്തില്‍ അര്‍ധ ശതകത്തിലെത്തി. നിലവില്‍ താരം 60 റണ്‍സുമായി ക്രീസില്‍. ഒപ്പം ക്യാപ്റ്റന്‍ സച്ചിന്‍ ബേബിയും ക്രീസില്‍.
ബാറ്റിങ് തുടങ്ങിയ കേരളത്തിനു തുടക്കത്തില്‍ തന്നെ ഓപ്പണര്‍മാരെ നഷ്ടമായി. അക്ഷയ് ചന്ദ്രന്‍ 14 റണ്‍സിലും രോഹന്‍ കുന്നുമ്മല്‍ റണ്ണൊന്നുമെടുക്കാതെയും മടങ്ങി. ദര്‍ശന്‍ നാല്‍കന്‍ഡെയാണ് ഇരുവരേയും മടക്കിയത്. സ്‌കോര്‍ 107ല്‍ നില്‍ക്കെ അഹമ്മദ് മടങ്ങിയതോടെ കേരളത്തിനു മൂന്നാം വികറ്റ് നഷ്ടമായി. അഹമ്മദ് 37 റണ്‍സ് കണ്ടെത്തി.
വിദര്‍ഭ ഒന്നാം ഇന്നിങ്സില് 379 റണ്‍സില്‍ പുറത്തായിരുന്നു. ഡാനിഷ് മലേവാര്‍ (153) നേടിയ സെഞ്ച്വറിയും മലയാളി താരം കരുണ്‍ നായര്‍ നേടിയ അര്‍ധ സെഞ്ച്വറി (83)യുടേയും ബലത്തിലാണ് വിദര്‍ഭ മികച്ച സ്‌കോറിലെത്തിയത്.
പത്താമനായി എത്തിയ നചികേത് ഭൂതേയുടെ ചെറുത്തു നില്‍പ്പാണ് സ്‌കോര്‍ 350 കടത്തിയത്. താരം 32 റണ്‍സെടുത്തു.
കേരളത്തിനായി എംഡി നിധീഷ്, ഏദന്‍ ആപ്പിള്‍ ടോം എന്നിവര്‍ മൂന്ന് വീതം വിക്കറ്റുകള്‍ വീഴ്ത്തി. എന്‍ ബേസില്‍ 2 വിക്കറ്റെടുത്തു. ജലജ് സക്സേന ഒരു വിക്കറ്റും സ്വന്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
