റാവല്‍പിണ്ടി: ഒരു ജയമെങ്കിലും സ്വന്തമാക്കി നാട്ടില്‍ നടക്കുന്ന ഐസിസി പോരില്‍ നിന്നു തലയുയര്‍ത്തി മടങ്ങാമെന്ന പാകിസ്ഥാന്‍ മോഹങ്ങള്‍ക്ക് വന്‍ തിരിച്ചടി. റാവല്‍പിണ്ടിയില്‍ മഴയെ തുടര്‍ന്നു പാകിസ്ഥാന്‍- ബംഗ്ലാദേശ് ഐസിസി ചാംപ്യന്‍സ് ട്രോഫി പോരാട്ടം ഇതുവരെ തുടങ്ങിയിട്ടില്ല.
ടോസ് ചെയ്യാന്‍ പോലും സാധിക്കാത്ത നിലയില്‍ മഴ തുടരുകയാണ്. ഇരു ടീമുകള്‍ രണ്ട് വീതം മത്സരങ്ങള്‍ തുടരെ തോറ്റ് ടൂര്‍ണമെന്റില്‍ നിന്നു പുറത്തായി കഴിഞ്ഞു. ആശ്വാസ ജയം തേടിയാണ് ടീമുകള്‍ നില്‍ക്കുന്നത്. എന്നാല്‍ മഴ വില്ലനായി മാറി.
നേരത്തെ ഈ സ്റ്റേഡിയത്തില്‍ അരങ്ങേറേണ്ടിയിരുന്ന ഓസ്‌ട്രേലിയ- ദക്ഷിണാഫ്രിക്ക പോരാട്ടം ഒരു പന്ത് പോലും എറിയാതെ ഉപേക്ഷിച്ചിരുന്നു. നിലവില്‍ പാക്- ബംഗ്ലാ പോര് മഴ മാറിയില്‍ നടക്കുമെന്നു തന്നെയാണ് പ്രതീക്ഷിക്കുന്നത്. ഉപേക്ഷിച്ചാല്‍ ഇരു ടീമുകള്‍ക്കും ഓരോ പോയിന്റ് വീതം തുല്യമായി നല്‍കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
