മുംബൈ: പത്ത് ദിവസത്തിനിടെ മറ്റൊരു ടി20 പോരാട്ടത്തിന്റെ ഫൈനലില്‍ തോല്‍വി അറിഞ്ഞ് ശ്രേയസ് അയ്യര്‍ (Shreyas Iyer). ഐപിഎല്‍ ഫൈനലില്‍ റോയല്‍ ചലഞ്ചേഴ്‌സ് ബംഗളൂരുവിനോട് പരാജയപ്പെട്ടാണ് പഞ്ചാബ് കിങ്‌സ് നായകന്‍ കൂടിയായ ശ്രേയസ് മുംബൈ ടി20 ലീഗ് കളിക്കാനിറങ്ങിയത്. ഈ പോരാട്ടത്തിന്റെ ഫൈനലിലും ശ്രേയസിന്റെ ടീം പക്ഷേ തോല്‍വി നേരിട്ടു.
സോബോ മുംബൈ ഫാല്‍ക്കണ്‍സ് താരമാണ് ശ്രേയസ്. ഫൈനലില്‍ മുംബൈ സൗത്ത് സെന്‍ട്രല്‍ മറാത്ത റോയല്‍സ് ടീമിനോടാണ് ശ്രേയസും സംഘവും പരാജയം അറിഞ്ഞത്. മത്സത്തില്‍ ഐപിഎല്‍ ഫൈനലില്‍ എന്നപോലെ താരം ബാറ്റിങിലും പരാജയപ്പെട്ടു.
മത്സരത്തില്‍ ഫാല്‍ക്കണ്‍സിനു 157 റണ്‍സ് മാത്രമാണ് ബോര്‍ഡില്‍ ചേര്‍ക്കാനായത്. മറാത്ത റോയല്‍സ് 4 പന്തുകള്‍ ബാക്കി നില്‍ക്കെ ജയം പിടിച്ചു. ഫൈനലില്‍ ശ്രേയസിന് 17 പന്തില്‍ 12 റണ്‍സ് മാത്രമാണ് നേടാനായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
