ന്യൂഡല്‍ഹി: രോഹിത് ശര്‍മ വിരമിച്ചതോടെ ഇന്ത്യ പുതിയ ടെസ്റ്റ് ക്യാപ്റ്റനെ പ്രഖ്യാപിക്കാനുള്ള ഒരുക്കത്തിലാണ്. ഇംഗ്ലണ്ട് പര്യടനം പടിവാതില്‍ക്കല്‍ നില്‍ക്കെ ആരാകും പുതിയ ടെസ്റ്റ് നായകനെന്ന ആകാംക്ഷയിലാണ് ആരാധകര്‍. ശുഭ്മാന്‍ ഗില്ലിന്റെ പേരാണ് അന്തരീക്ഷത്തില്‍ നില്‍ക്കുന്നത്. അതിനിടെ താരം മുഖ്യ പരിശീലകന്‍ ഗൗതം ഗംഭീറിനെ അദ്ദേഹത്തിന്റെ വീട്ടിലെത്തി കണ്ടതായുള്ള വാര്‍ത്തകളാണ് വരുന്നത്. ഗംഭീറിന്റെ ഡല്‍ഹിയിലെ വീട്ടില്‍ വച്ച് ഇരുവരും തമ്മില്‍ ഏതാണ്ട് അഞ്ച് മണിക്കൂറോളം ചര്‍ച്ച നടത്തിയതായാണ് വിവരം.
ഈ ചര്‍ച്ചയ്ക്കു പിന്നാലെ ഇന്ത്യന്‍ ടീം ചീഫ് സെലക്ടര്‍ അജിത് അഗാര്‍ക്കര്‍ മുംബൈ വാംഖഡെ സ്റ്റേഡിയത്തില്‍ വച്ച് ഗില്ലിനെ കണ്ടണ്ടു. ഇരുവരും തമ്മിലും ചര്‍ച്ചകള്‍ നടന്നതായും റിപ്പോര്‍ട്ടുകള്‍ പറയുന്നു.
ബിസിസിഐ ടെസ്റ്റ് ടീമില്‍ ദീര്‍ഘകാല ക്യാപ്റ്റനെയാണ് നോക്കുന്നത്. ഐപിഎല്ലില്‍ ഗുജറാത്ത് ടൈറ്റന്‍സിനെ ഗില്‍ നയിക്കുന്ന രീതിയും ബിസിസിഐക്ക് സംതൃപ്തി നല്‍കുന്നുണ്ട്. ഗില്ലിനെ നായകനാക്കി ടെസ്റ്റില്‍ യുവ താരങ്ങളുടെ സംഘത്തെ കെട്ടിപ്പടുക്കുകയാണ് ഗംഭീറടക്കമുള്ളവരുടെ മനസില്‍.
ഗില്ലിനെ കൂടാതെ ജസ്പ്രിത് ബുംറ, ഋഷഭ് പന്ത്, കെഎല്‍ രാഹുല്‍ എന്നിവരും നായക സ്ഥാനത്തേക്കുള്ള പരിഗണനാ പട്ടികയിലുണ്ട്. നിരന്തരം ഏല്‍ക്കുന്ന പരിക്കാണ് ബുംറയ്ക്ക് തടസം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
