കൊല്ലം: ബസ് കാത്ത് നിന്നു മടുത്ത യുവാവ് കെഎസ്ആര്‍ടിസി ബസുമായി കടന്നു കളയാന്‍ ശ്രമിച്ചു. കൊല്ലം കെഎസ്ആര്‍ടിസി സ്റ്റാന്‍ഡില്‍ നിന്നുമാണ് ആറ്റിങ്ങല്‍ മണബൂര്‍ സ്വദേശിയായ അലോഷ് ബസുമോടിച്ച് പോയത്.
ഇയാളെ പൊലീസ് അറസ്റ്റ് ചെയ്തു. ഞായറാഴ്ച രാത്രി ഒരു മണിയോടെയായിരുന്നു സംഭവം. ആറ്റിങ്ങലിലേക്ക് പോകുന്നതിനായാണ് ഇയാള്‍ സ്റ്റാന്‍ഡിലെത്തിയത്. എന്നാല്‍ ആറ്റിങ്ങല്‍ ഭാഗത്തേക്ക് അടുത്തൊന്നും വണ്ടി പുറപ്പെടുന്നില്ലെന്ന് മനസിലാക്കിയ അലോഷ് റോഡില്‍ നിര്‍ത്തിയിട്ടിരുന്നു ബസുമായി പോവുകയായിരുന്നു.
ഫാസ്റ്റ് പാസഞ്ചറുമെടുത്തായിരുന്നു ആറ്റിങ്ങലിലേക്ക് ഇയാളുടെ പോക്ക്. എന്നാല്‍ ഒരു കിലോമീറ്റര്‍ മുന്നോട്ട് പോയപ്പോഴേക്കും ചിന്നക്കടയിലെ ഒരു പോസ്റ്റില്‍ ബസ് ഇടിച്ചു. അലോഷ് ബസ് ഉപേക്ഷിച്ച് പോവുകയും ചെയ്തു. എന്നാല്‍ പൊലീസ് ഉദ്യോഗസ്ഥന്‍ എത്തി വന്നു നോക്കിയിട്ടും ബസില്‍ ആരെയും കണ്ടില്ല.
കുറഞ്ഞ് നേരത്തിന് ശേഷം ഓടുന്നതിന് ഇടയില്‍ ബസില്‍ കുടുങ്ങിപ്പോയ ഷൂ എടുക്കുന്നതിനായി അലോഷി തിരിച്ചു വരികയും പൊലീസ് ചോദ്യം ചെയ്തപ്പോള്‍ കുടുങ്ങുകയുമായിരുന്നു. മദ്യലഹരിയില്‍ ആയിരുന്നിരിക്കാം ഇയാള്‍ ഇങ്ങനെ ചെയ്തതെന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
