ന്യുഡല്‍ഹി: കൊച്ചി മെട്രോയുടെ ഉദ്ഘാടനത്തിന് പ്രധാനമന്ത്രിയെത്തില്ല. മെട്രോ ഉദ്ഘാടം നടത്താന്‍ തീരുമാനിച്ച മെയ് 30ന് പ്രധാനമന്ത്രി യൂറോപ് പര്യടനത്തിലായത് കൊണ്ടാണ് ഉദ്ഘാടനത്തിന് പങ്കെടുക്കാന്‍ കഴിയാത്തത്. 29ന് പുറപ്പെടുന്ന പ്രധാനമന്ത്രി മടങ്ങിയെത്തുന്നത് ജൂണ്‍ നാലിനാണ്. ജൂണ്‍ അഞ്ച്,ആറ് തീയതികളില്‍ അവധിയുണ്ടെന്ന് പ്രധാനമന്ത്രിയുടെ ഓഫീസ് അറിയിച്ചിരുന്നതായി സൂചനകള്‍ ലഭിക്കുന്നു.
മെയ് 30ന് മെട്രോ ഉദ്ഘാടനം ചെയ്യുമെന്ന് മന്ത്രി കടകംപള്ളി സുരേന്ദ്രനാണ് അറിയിച്ചത്. പ്രധാനമന്ത്രിക്ക് എത്താന്‍ കഴിയില്ലെങ്കില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുമെന്നും കടകംപള്ളി സുരേന്ദ്രന്‍ അറിയിച്ചു.
പ്രധാനമന്ത്രി ചടങ്ങിന് എത്തുമെന്നു തന്നെയാണ് പ്രതീക്ഷിക്കുന്നതെന്ന് കടകംപള്ളി സുരേന്ദ്രന്‍ പറഞ്ഞു. എന്നാല്‍ പ്രധാനമന്ത്രിക്കായി അനന്തമായി കാത്തിരിക്കാനാവില്ല. എന്തെങ്കിലും കാരണവശാല്‍ പ്രധാനമന്ത്രിക്ക് ചടങ്ങിന് എത്താന്‍ കഴിയാതിരുന്നാല്‍ മുഖ്യമന്ത്രി പിണറായി വിജയന്‍ മെട്രൊ ഉദ്ഘാടനം ചെയ്യും. മന്ത്രി പറഞ്ഞു.
സര്‍ക്കാരിന്റെ ഒന്നാംവാര്‍ഷികത്തോട് അനുബന്ധിച്ച് മെട്രൊയുടെ ഉദ്ഘാടനം നടത്തണമെന്ന് സര്‍ക്കാരിനു താത്പര്യമുണ്ട്. പ്രധാനമന്ത്രിയുടെ സമയം ഉറപ്പാക്കാനായിട്ടില്ലെങ്കിലും ഉദ്ഘാടന തീയതി പ്രഖ്യാപിച്ചതില്‍ ഈ താത്പര്യമാണെന്നു വ്യക്തം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
