കൊച്ചി: ശ്രാദ്ധ ദിനം അച്ഛന് ബലിയിടാന്‍ പോകാന്‍ അനുവദിക്കണമെന്ന നടന്‍ ദിലീപിന്റെ ആവശ്യത്തെ കോടതിയില്‍ എതിര്‍ത്ത് പ്രോസിക്യൂഷന്‍. ദിലീപിനെ ജയിലില്‍ നിന്നും പുറത്തുവിടുന്നതിലുള്ള എതിര്‍പ്പ പ്രോസിക്യൂഷന്‍ അങ്കമാലി മജിസ്‌ട്രേറ്റ് കോടതിയെ അറിയിച്ചു.
വീട്ടില്‍ വെച്ച് നടക്കുന്ന ചടങ്ങില്‍ പങ്കെടുക്കാന്‍ അനുവദിക്കരുതെന്നും പ്രോസിക്യൂഷന്‍ കോടതിയില്‍ ആവശ്യപ്പെട്ടു. ഈ മാസം ആറാം തിയതി അച്ഛന്റെ ശ്രദ്ധ ദിനത്തില്‍ ബലിയിടാന്‍ അനുവദിക്കണമെന്ന് ആവശ്യപ്പെട്ടായിരുന്നു ദിലീപ് കോടതിയെ സമീപിച്ചിരുന്നത്.
ഏഴ് വര്‍ഷമായി അച്ഛന് ബലിയിടാറുണ്ട്. പൊലീസിന്റെ സംരക്ഷണയില്‍ തന്നെ ബലിയിട്ടതിന് ശേഷം തിരിച്ച് ജയിലിലേക്ക് എത്താമെന്നാണ് ദിലീപ് അപേക്ഷയില്‍ പറയുന്നത്. ആലുവയിലെ തന്റെ വസതിയില്‍ നിന്നും ക്ഷേത്രത്തിലേക്ക് ഒന്നര കിലോമീറ്റര്‍ ദൈര്‍ഘ്യമുള്ളുവെന്നും അപേക്ഷയില്‍ പ്രതിഭാഗം ചൂണ്ടിക്കാട്ടുന്നു.
ദിലീപിന്റെ അപേക്ഷയില്‍ പ്രോസിക്യൂഷന്‍ എന്ത് നിലപാടായിരിക്കും സ്വീകരിക്കുക എന്നത് കണക്കിലെടുത്താകും കോടതി തീരുമാനമെടുക്കുക.അതിനിടെ ദിലീപിന്റെ റിമാന്‍ഡ് കാലാവധി ആറ് ദിവസത്തേക്ക് കൂടി കോടതി നീട്ടി. ഇന്നായിരുന്നു ദിലീപിന്റെ റിമാന്‍ഡ് കാലാവധി അവസാനിച്ചിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
