കൊല്ലം: കേരളാ കോണ്ഗ്രസ് നേതാവ് കെഎം മാണി വെറുക്കപ്പെട്ട രാഷ്ട്രീയത്തിന്റയും നയങ്ങളുടയും മുഖമാണെന്ന് സിപിഐ. മാണിയുമായുള്ള സഖ്യം ഇടതുമുന്നണിയുടെ പ്രതിഛായക്ക് കോട്ടം തട്ടാന് ഇടയാക്കുമെന്നും സിപിഐ വ്യക്തമാക്കി. പാര്ട്ടി കോണ്ഗ്രസ് കാര്യങ്ങള് വിശദീകരിക്കുന്നതിനിടെയാണ് മാണിക്കെതിരെ നിലപാട് വ്യക്തമാക്കി സിപിഐ രംഗത്തെത്തിയത്.
മാണി കേരളരാഷ്ട്രീയത്തില് വെറുക്കപ്പെട്ടവനാണെന്ന് സിപിഐ മാത്രമല്ല സിപിഎമ്മും പറഞ്ഞിട്ടുണ്ട്. എണ്പതുമുതല് ഇക്കാര്യം ഇടതുമുന്നണി പരസ്യമായി പറയുന്നതാണ്. ഇത്രയും കാലം ഇടതുവിരുദ്ധനായ ഒരാള് നേരം ഇരുട്ടി വെളുക്കുന്നതിന് മുന്പ് എല്ഡിഎഫിലെത്തുന്നത അംഗീകരിക്കാനാകില്ല. മാണി ഇപ്പോഴും തുടരുന്നത് യുഡിഎഫ് നയമാണെന്നും ബിനോയ് വിശ്വം പറഞ്ഞു
ചെങ്ങന്നൂര് ഉപതെരഞ്ഞടുപ്പ് പ്രഖ്യാപിച്ചതിന് പിന്നാലെ മാണിയുമായുള്ള സഹകരണത്തിനെതിരെ സിപിഐ രംഗത്തുവന്നിരുന്നു. സിപിഐ നിലപാടിനെതിരെ സിപിഎം സംസ്ഥാന സെക്രട്ടറി കോടിയേരിയും സ്ഥാനാര്ത്ഥി സജി ചെറിയാനും രംഗത്തെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
