തിരുവനന്തപുരം: സംസ്ഥാനത്തെ പ്രഫഷണല്‍ കോളജുകളടക്കമുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി. എറണാകുളം ജില്ലയില്‍ നാളെയും അവധിയാണ്. കേരള സര്‍വകലാശാല ഇന്ന് നാളെയും നടത്താനിരുന്ന പരീക്ഷകള്‍ മാറ്റി. കൊച്ചി സര്‍വകലാശാല വ്യാഴം, വെള്ളി, ശനി ദിവസങ്ങളിലെ സപ്ലിമെന്ററി പരീക്ഷകള്‍ മാറ്റി. കണ്ണൂര്‍ സര്‍വകലാശാല നടത്താനിരുന്ന പരീക്ഷകള്‍ മാറ്റി. ആരോഗ്യ സര്‍വകലാശാല വ്യാഴം, വെള്ളി ദിവസത്തെ പരീക്ഷകള്‍ മാറ്റി. പ്രാക്ടിക്കല്‍ പരീക്ഷകള്‍ക്ക് മാറ്റമില്ല.
ഓണപ്പരീക്ഷകളും മാറ്റിവയ്ക്കാന്‍ തീരുമാനിച്ചു. ഒന്നുമുതല്‍ പത്തുവരെയുളള ക്ലാസുകളിലെ പരീക്ഷകളാണ് മാറ്റിവച്ചത്. ഈ മാസം 31 നാണ് പരീക്ഷകള്‍ തുടങ്ങാനിരുന്നത്. പുതുക്കിയ തീയതി പിന്നീട് അറിയിക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
