'അലഞ്ഞു നടക്കുന്ന കഴുതകള്‍ക്കുള്ള ചൈതന്യം പോലുമില്ല'; തന്ത്രിമാര്‍ ഇരിക്കുന്നിടത്ത് അയ്യപ്പനുണ്ടോയെന്ന് സംശയിക്കേണ്ടിരിക്കുന്നുവെന്ന് ജി സുധാകരന്‍

 ആലപ്പുഴ:  ശബരിമല വിഷയത്തില്‍ തന്ത്രിമാര്‍ സ്വീകരിക്കുന്ന നിലപാടിനെതിരെ  മന്ത്രി ജി. സുധാകരന്‍. ശബരിമലയില്‍ അലഞ്ഞ് നടക്കുന്ന കഴുതകളുടെ ചൈതന്യം പോലും തന്ത്രിമാര്‍ക്കില്ലെന്നും അദ്ദേഹം പറഞ്ഞു. തന്ത്രിമാര്‍ ഇരിക്കുന്നിടത്ത് അയ്യപ്പനുണ്ടോയെന്ന് സംശയിക്കേണ്ടയിരിക്കുന്നു. അവിടെ സമരത്തിനുള്ള വേദിയല്ലെന്നും അദ്ദേഹം കൂട്ടിച്ചേര്‍ത്തു.

അധികാരം നിലനിര്‍ത്തുന്നതിനായി ദൈവവിശ്വാസത്തെ ഉപയോഗിക്കുന്നതിലെ കാപട്യം തിരിച്ചറിയണമെന്നും മന്ത്രി പറഞ്ഞു. ശബരിമലയില്‍ ബ്രാഹ്മണാധിപത്യമുണ്ടെന്നും തന്ത്രിമാര്‍ക്ക് അയ്യപ്പനോടല്ല കൂറെന്ന് തെളിഞ്ഞതായും  അദ്ദേഹം കൂട്ടിച്ചേര്‍ത്തു.