കൊച്ചി : നടി ആക്രമിക്കപ്പെട്ട കേസില് ദൃശ്യങ്ങള് ആവശ്യപ്പെട്ട് ദിലീപ് നല്കിയ ഹര്ജിയില് കോടതി ഇന്ന് വിധി പറയും. അങ്കമാലി മജിസ്ട്രേറ്റ് കോടതിയാണ് ഹര്ജി പരിഗണിക്കുന്നത്. അതേസമയം ദൃശ്യങ്ങള് നല്കുന്നത് നടിയുടെ സുരക്ഷയ്ക്കും, സ്വകാര്യജീവിതത്തിനും ഭീഷണിയാണെന്നാണ് പ്രോസിക്യൂഷന് നിലപാട്. അതിനാല് തന്നെ ദൃശ്യങ്ങള് ഒരു കാരണവശാലും നല്കരുതെന്ന് പ്രോസിക്യൂഷന് ശക്തമായ നിലപാടെടുക്കും.
കുറ്റപത്രത്തിനൊപ്പം പൊലീസ് നല്കിയ രേഖകള് ആവശ്യപ്പെട്ട് നല്കിയ ഹര്ജിയില്, വിചാരണ സമയത്ത് പൊലീസ് സമര്പ്പിച്ച രേഖകളുടെയും തെളിവുകളുടെയും പട്ടിക നല്കാന് കോടതി ആവശ്യപ്പെട്ടിരുന്നു. ഇതുപ്രകാരം ഗൗരവ സ്വഭാവമുള്ള ചില രേഖകള് ഒഴികെ മറ്റുള്ളവ പൊലീസ് പ്രതിഭാഗത്തിന് കൈമാറിയിട്ടുണ്ട്.
മൊഴിപ്പകര്പ്പുകള്, വിവിധ പരിശോധനാ ഫലങ്ങള്, സിസിടിവി ദൃശ്യങ്ങള്, ഫോണ് വിളി വിവരങ്ങള് തുടങ്ങിയവയാണ് നല്കിയിട്ടുള്ളത്. ഇത് ബുധനാഴ്ചയ്ക്കകം പരിശോധിക്കാനാണ് കോടതി നിര്ദേശിച്ചിട്ടുള്ളത്. കേസിലെ എല്ലാ പ്രതികളും ഇന്ന് കോടതിയില് ഹാജരാകണമെന്നും കോടതി ഉത്തരവിട്ടിട്ടുണ്ട്. അതുകൊണ്ടു തന്നെ പള്സര് സുനി അടക്കം കേസിലെ പ്രതികളെല്ലാം ഇന്ന് കോടതിയില് ഹാജരാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ