സോവിയറ്റ് റഷ്യയിലും ചൈനയില്‍ പോലും നടക്കാത്ത കാര്യങ്ങളാണ് ശബരിമലയില്‍ നടക്കുന്നത് എന്ന് കേന്ദ്ര മന്ത്രി അല്‍ഫോണ്‍സ് കണ്ണന്താനം. അയ്യപ്പ ഭക്തന്മാര്‍ തീവ്രവാദികള്‍ അല്ല. പിന്നെ പൊലീസ് എന്തുകൊണ്ട് ഇങ്ങനെ അവരോട് പെരുമാറുന്നു, ജനങ്ങള്‍ അത് ചോദിക്കേണ്ടതാണെന്നും കണ്ണന്താനം പറഞ്ഞു.
അയ്യപ്പ ഭക്തന്മാര്‍ ഭക്തിയോടെ വരുന്ന ഇവിടെ 144 പ്രഖ്യാപിച്ചിരിക്കുന്നത് എന്തിനാണ്? കേന്ദ്ര മന്ത്രിയെന്ന നിലയിലാണ് താന്‍ ഇവിടെ എത്തിയിരിക്കുന്നത്. ശബരിമലയിലെ സൗകര്യങ്ങള്‍ വിലയിരുത്തുകയാണ് ലക്ഷ്യം. കേരളം പൊലീസ് ഭരണത്തിന്റെ കീഴിലാണെന്ന വികാരമാണ് ലോകത്തിന് ലഭിക്കുന്നത്. ഭക്തന്മാര്‍ ചില പാര്‍ട്ടിയുടെ അംഗങ്ങള്‍ ആണന്നതേയുള്ളു. അല്ലാതെ ഇതില്‍ രാഷ്ട്രീയമില്ലെന്നും കണ്ണന്താനം പറയുന്നു.
ബിജെപി നേതാക്കള്‍ എത്തുന്നതിനെ കുറിച്ച് അറിയില്ലെന്നും കണ്ണന്താനം പറഞ്ഞു. വി.മുരളീധരന്‍ ഉള്‍പ്പെടെയുള്ള ബിജെപി നേതാക്കള്‍ സന്നിധാനത്തേക്ക് എത്തുമെന്ന് വ്യക്തമാക്കിയിരുന്നു എങ്കിലും കണ്ണന്താനത്തെ അനുഗമിച്ച് ബിജെപി നേതാക്കള്‍ ആരും തന്നെ കൂടെയില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
