തിരുവനന്തപുരം: കേരളത്തിലെ ജനങ്ങളോട് കേന്ദ്രസര്‍ക്കാര്‍ എന്തിനാണ് ക്രൂരത കാണിക്കുന്നതെന്ന് ധനകാര്യമന്ത്രി തോമസ് ഐസക്. പ്രളയകാലത്ത് കേരളത്തിലെ ജനങ്ങളോട് മുഖം തിരിച്ച് നില്‍ക്കുകയായിരുന്നു കേന്ദ്രസര്‍ക്കാര്‍. ജനങ്ങള്‍ ഒത്തൊരുമിച്ച് നിന്നാണ് ദുരന്തത്തെ അതിജീവിച്ചത്. ദുരിതാശ്വാസ പ്രവര്‍ത്തനങ്ങള്‍ മുതല്‍ പുനര്‍നിര്‍മ്മാണത്തില്‍ വരെ ഈ അവഗണന തുടര്‍ന്നു. പ്രളയത്തിന് ശേഷം കേരളത്തിനുള്ള വായ്പ കേന്ദ്രസര്‍ക്കാര്‍ വെട്ടിച്ചുരുക്കിയെന്നും മന്ത്രി പറഞ്ഞു.
കേരളത്തിന്റെ സാമ്പത്തിക സ്ഥിതിയെ ഞെരുക്കിയിരിക്കുകയാണ്. പുനര്‍നിര്‍മ്മാണത്തിനായി വായ്പാ പരിധി ഉയര്‍ത്തണമെന്ന ആവശ്യവും
കേന്ദ്രസര്‍ക്കാര്‍ തള്ളി. സംസ്ഥാനങ്ങളോട് ഉദാരത കാണിക്കുന്ന സര്‍ക്കാരാണ് കേന്ദ്രത്തില്‍ ഉണ്ടാവേണ്ടത്. ദൗര്‍ഭാഗ്യവശാല്‍ അതുണ്ടായില്ലെന്നും ബജറ്റവതരണത്തിനിടെ അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
