കൊല്ലം: കെ എസ്ആർടിസി ബസിൽ വെച്ച് വിദ്യാർത്ഥിനിയെ അപമാനിക്കാൻ ശ്രമിച്ച തമിഴ്‌നാട് സ്വദേശി അറസ്റ്റില്‍. കന്യാകുമാരി കളിയിക്കാവിള അമ്പെട്ടിന്‍കാല ജസ്റ്റിന്‍ ആല്‍വിന്‍ (43) ആണ് പൊലീസിന്റെ പിടിയിലായത്.
ബുധനാഴ്ച രാവിലെ 8.30-ന് വേണാട് ബസിൽ വെച്ചായിരുന്നു സംഭവം. ബസ് ചെങ്ങന്നൂരിലേക്ക് പോകുകയായിരുന്നു. സീറ്റില്‍ ഒപ്പമിരുന്ന ശേഷം മയ്യത്തുംകര ജംങ്ഷനെത്തിയപ്പോള്‍ ഇയാള്‍ കോളജ് വിദ്യാർത്ഥിനിയെ തുടരെ ശല്യംചെയ്തു.
പ്രതികരിച്ചപ്പോള്‍ ഇയാൾ നഗ്നതാ പ്രദര്‍ശനവും നടത്തി. തുടര്‍ന്ന് പെണ്‍കുട്ടി പൊലീസിനെ വിവരം അറിയിച്ചു. യാത്രാമധ്യേ പൊലീസെത്തി പ്രതിയെ പിടികൂടുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
