തിരുവനന്തപുരം: സ്ത്രീകൾക്കെതിരായ അതിക്രമങ്ങൾക്കെതിരെ കെപിസിസിയുടെ നേതൃത്വത്തിൽ ഇന്ന് രാത്രി സ്ത്രീകളെ അണിനിരത്തി രാത്രി നടത്തം സംഘടിപ്പിക്കും. ഇന്ന് രാത്രി ഒൻപതിന് സംസ്ഥാന വ്യാപകമായാണ് രാത്രി നടത്തം.
’പെൺമയ്ക്കൊപ്പം ’ എന്ന മുദ്രാവാക്യം ഉയർത്തിയാണ് പരിപാടി സംഘടിപ്പിക്കുന്നത്. രാത്രി നടത്തത്തിൻറെ സംസ്ഥാനതല ഉദ്ഘാടനം കെപിസിസി പ്രസിഡൻറ് കെ സുധാകരൻ എംപി തിരുവനന്തപുരത്ത് നിർവഹിക്കും. വിവിധ ജില്ലകളിൽ നടക്കുന്ന രാത്രി നടത്തത്തിൽ മഹിളാകോൺഗ്രസ്, യൂത്ത്കോൺഗ്രസ്, കെഎസ്യു ഉൾപ്പടെയുള്ള സംഘടനകളിലെ സ്ത്രീകൾ അണിനിരക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ