പിച്ചവയ്ക്കാൻ കൊതിച്ച് ഈ ഒന്നര വയസ്സുകാരി, മരുന്നിന് ചെലവ് 16 കോടി രൂപ; ഗൗരിയുടെ ചികിത്സക്ക് കൈകോർക്കാം 

സ്‌പൈനൽ മസ്‌കുലാർ അട്രോഫി എന്ന അപൂർവ ജനിതക രോഗം ബാധിച്ച് ജീവിതത്തിലേക്ക് തിരികെയെത്താൻ സുമനുസുകളുടെ സഹായം കാത്തിരിക്കുകയാണ്  ഈ ഒന്നര വയസ്സുകാരി. ഷൊർണൂർ കല്ലിപ്പാടം സ്വദേശി ലിജുവിന്റെയും നിതയുടെയും മകൾ ഗൗരി ലക്ഷ്മിയുടെ ചികിത്സയ്ക്കാണ് സുമനുസുകളുടെ സഹായം തേടുന്നത്. 16 കോടി രൂപയാണ് ചികിത്സയ്ക്ക് വേണ്ടത്. 

അംഗവൈകല്യമുള്ള ലിജുവിന്റെ സ്വകാര്യ ആശുപത്രിയിലെ ജോലിയാണ് ഈ അഞ്ചംഗ കുടുംബത്തിന്റെ ഏക വരുമാനം. ‍‍ഒന്നര വയസ്സായിട്ടും ​ഗൗരി നിവന്നിരിക്കുക പോലും ചെയ്യാത്തതിനാലാണ് ഇവർ കുട്ടിയെ പരിശോധനയ്ക്ക് വിധേയയാക്കിയത്. ബെംഗളൂരുവിൽ നടത്തിയ വിദഗ്ധ ചികിത്സയിലാണ് കുഞ്ഞുഗൗരിയുടെ രോഗം തിരിച്ചറിഞ്ഞത്. ‌രണ്ട് വയസു പൂർത്തിയാകും മുൻപേ സോൾജെൻസ്മ എന്ന മരുന്ന് എത്തിച്ച് ചികിത്സ തുടങ്ങിയാലേ ഗൗരി ജീവിതത്തിലേക്ക് പിച്ചവച്ചു നടക്കുകയുള്ളു.

ചിത്രം: എക്‌സ്പ്രസ്‌
 

അടുത്ത മാസം രണ്ടാം തിയതി ഗൗരിയുടെ രണ്ടാം പിറന്നാളാണ്. അതുകൊണ്ട് എത്രയും പെട്ടെന്ന് മരുന്ന് എത്തിക്കണമെന്നാണ് ഡോക്ടർമാർ നിർദേശിച്ചിരിക്കുന്നത്. 

അക്കൗണ്ട് വിവരങ്ങൾ
K L LIJU
ACCOUNT NUMBER: 4302001700011823
IFSC CODE: PUNB0430200
PHONE: 9847200415

ഈ വാര്‍ത്ത കൂടി വായിക്കാം

മറഞ്ഞിരിക്കുന്ന ട്യൂമർ രക്തപരിശോധനയിൽ കണ്ടെത്താം, കാൻസർ മരണനിരക്ക് കുറയുമോ? 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ