'ഉറക്കം വരാതിരിക്കാൻ' പാൻമസാലയും പുകയിലയും, അടിവസ്ത്രത്തിലും ബാ​ഗിലും ഒളിപ്പിച്ച നിലയിൽ; 9 കെഎസ്ആർടിസി ഡ്രൈവർമാർ കുടുങ്ങി

പാൻമസാലയും പുകയിലയും ഉൾപ്പെടെ നിരോധിത ലഹരി ഉൽപ്പന്നങ്ങളുമായി കെഎസ്ആർടിസി​ ഡ്രൈവർമാർ പിടിയിൽ
പ്രതീകാത്മക ചിത്രം
പ്രതീകാത്മക ചിത്രം

പാലക്കാട്: പാൻമസാലയും പുകയിലയും ഉൾപ്പെടെ നിരോധിത ലഹരി ഉൽപ്പന്നങ്ങളുമായി കെഎസ്ആർടിസി​ ഡ്രൈവർമാർ പിടിയിൽ. രാത്രി സർവിസ് നടത്തുന്ന ബസുകളിലെ ഒമ്പത് ഡ്രൈവർമാരാണ് പരിശോധനയിൽ കുടുങ്ങിയത്. 12 ബസുകളിലായിരുന്നു പരിശോധന.

കുഴൽമന്ദത്ത് കഴിഞ്ഞയാഴ്ച രണ്ട് യുവാക്കൾ കെഎസ്ആർടിസി ബസിടിച്ച് മരിച്ചിരുന്നു. ഇതിന്റെ പശ്ചാത്തലത്തിലാണ്  ആലത്തൂരിനും പാലക്കാടിനും ഇടയിൽ മോട്ടോർ വാഹന വകുപ്പ് പരിശോധന നടത്തിയത്. ഉറക്കം വരാതിരിക്കാനാണ് ഇവ ഉപയോഗിക്കുന്നതെന്ന് ഡ്രൈവർ പറയുന്നു.

എന്നാൽ, ഇത് ഉപയോഗിച്ചാൽ കൂടുതൽ ഉറക്കം വരാൻ സാധ്യതയുണ്ടെന്ന് വാഹന വകുപ്പ് ഉദ്യോഗസ്ഥർ ഇവരെ ഓർമിപ്പിച്ചു. അടിവസ്ത്രത്തിലും ബാഗിലും ബസിന് ഉള്ളിലും ഒളിപ്പിച്ച നിലയിലായിരുന്നു ലഹരി വസ്തുക്കൾ.വരും ദിവസങ്ങളിലും പരിശോധന തുടരാൻ സാധ്യതയുണ്ട്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com