കാട്ടുപോത്തിന്റെ ആക്രമണം; മറയൂരിൽ കർഷകന് ദാരുണാന്ത്യം

തൊടുപുഴ: മറയൂരിൽ കാട്ടുപോത്തിന്റെ ആക്രമണത്തിൽ ഒരാൾ മരിച്ചു. മറയൂർ പള്ളനാട് മംഗളംപാറ സ്വദേശി ദുരൈരാജ് (56) ആണ് മരിച്ചത്. 

മറയൂരിൽ നിന്ന് തിരിച്ചു വീട്ടിലേക്ക് പോകും വഴിയാണ് വന്യ മൃഗത്തിന്റെ ആക്രമണത്തിന് ഇരയായത്. സ്വന്തം കൃഷിത്തോട്ടത്തിൽ ഉണ്ടായിരുന്ന കാട്ടുപോത്താണ് ദുരൈരാജിനെ കുത്തിയത്. ദുരൈരാജ് സംഭവ സ്ഥലത്ത് തന്നെ മരിച്ചു.