കോഴിക്കോട്: മോഡല് ഷഹാനയുടെ മരണത്തില് ഭര്ത്താവ് സജാദ് കുറ്റക്കാരനെന്ന് പൊലീസിന്റെ കുറ്റപത്രം. ആത്മഹത്യാപ്രേരണാ കുറ്റമാണ് സജാദിന് മേല് ചുമത്തിയത്. ഷഹാനയെ മാനസികവും ശാരീരികവുമായി സജാദ് പീഡിപ്പിച്ചുവെന്നും കുറ്റപത്രത്തില് പറയുന്നു.
ഷഹാനയുടെ ഡയറി കുറിപ്പുകള് ഇതിന് നിര്ണായക തെളിവാണ്. സജാദിന്റെ ലഹരി ഉപയോഗവും ആത്മഹത്യയ്ക്ക് കാരണമായി. മരിക്കുന്ന ദിവസവും ഷഹാനയും സജാദുമായി വഴക്കുണ്ടായതായി കുറ്റപത്രത്തില് വ്യക്തമാക്കുന്നു. ലഹരി മാഫിയയിലെ കണ്ണിയായ സജാദ് ഓണ്ലൈന് ഭക്ഷണ വിതരണത്തിനിടെ ലഹരി വില്പന നടത്തിയിരുന്നെന്ന് അന്വേഷണ സംഘം കണ്ടെത്തിയിരുന്നു.
ഇതുമായി ബന്ധപ്പെട്ട തെളിവുകളും വെയിങ് മെഷീനും വാടക വീട്ടില് നിന്ന് അന്വേഷണ സംഘം കണ്ടെത്തിയിരുന്നു. ഇതിന് പിന്നാലെയാണ് സ്ത്രീപീഡനം (498A),ആത്മഹത്യാ പ്രേരണ (306) എന്നീ കുറ്റങ്ങള് ചുമത്തി ചേവായൂര് പൊലീസ് സജാദിനെ അറസ്റ്റ് ചെയ്തത്. മെയ് 13ന് ആണ് കോഴിക്കോട് പറമ്പില് ബസാറിലെ വാടക ക്വാര്ട്ടേഴ്സില് ഷഹാനയെ മരിച്ച നിലയില് കണ്ടെത്തിയത്.
ഈ വാർത്ത കൂടി വായിക്കാം
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ