അഞ്ചാം വാർഷികത്തിൽ റെക്കോ‍ർഡിട്ട് കൊച്ചി മെട്രോ; ഒരു ലക്ഷം കടന്ന് യാത്രക്കാർ

അഞ്ച് രൂപ ടിക്കറ്റ് നിരക്കാണ് ഇന്ന് കൊച്ചി മെട്രോയിലേക്ക് യാത്രക്കാരെ ആകർഷിച്ചത്

ഫയല്‍ ചിത്രം

Updated on:

17 Jun 2022, 5:10 pm

1 min read

കൊച്ചി: കൊച്ചി മെട്രോയിൽ അഞ്ചാം വാർഷിക ദിനമായ ഇന്ന് യാത്രക്കാരുടെ എണ്ണത്തിൽ റെക്കോ‍ർഡ് വർദ്ധന. വാർഷികത്തോടനുബന്ധിച്ച് അവതരിപ്പിച്ച അഞ്ച് രൂപ ടിക്കറ്റ് നിരക്കാണ് ഇന്ന് കൊച്ചി മെട്രോയിലേക്ക് യാത്രക്കാരെ ആകർഷിച്ചത്. 101152 പേരാണ് രാത്രി എട്ട് മണിവരെ മെട്രോയിൽ യാത്രചെയ്തത്. റെക്കോർഡ് യാത്രാനിരക്കാണിത്.

പ്രത്യേക ഓഫർ ദിനത്തിലാണെങ്കിലും യാത്രക്കാരുടെ എണ്ണത്തിലുള്ള വർധനവ് മെട്രോയ്ക്ക് പ്രതീക്ഷ നൽകുന്നുണ്ട്. കൊച്ചി മെട്രോ ട്രാക്കിലായി അഞ്ചാം വർഷത്തിൽ യാത്രക്കാരുടെ എണ്ണത്തിൽ അഞ്ച് രൂപ യാത്ര എന്ന മെട്രോ പ്രഖ്യാപനമാണ് ഫലം കണ്ടത്. ഏത് സ്റ്റേഷനിലേക്കും ദൂരപരിധി കണക്കാക്കാതെ അഞ്ച് രൂപയായിരുന്നു ഇന്നത്തെ ടിക്കറ്റ് നിരക്ക്. നേരത്തെ മെട്രോയിൽ പ്രതിദിനം കയറിയ യാത്രക്കാരിൽ ഏറ്റവും കൂടുതൽ ഏദേശം 70000 ആയിരുന്നു.

ഈ വാര്‍ത്ത കൂടി വായിക്കാം