മലപ്പുറം: ഡ്രൈവിങ്ങ് ടെസ്റ്റിനിടെ യുവതിയോട് മോശമായി പെരുമാറിയ സംഭവത്തില്‍ മോട്ടോര്‍ വെഹിക്കിള്‍ ഇന്‍സ്‌പെക്ടര്‍ അറസ്റ്റില്‍. എംവിഐ സി ബിജുവിനെ മലപ്പുറം വനിതാ പൊലീസാണ് അറസ്റ്റ് ചെയ്തത്.
നവംബര്‍ പതിനെട്ടിനായിരുന്നു കേസിനാസ്പദമായ സംഭവം. ഇതിന് പിന്നാലെ ബിജു ഒളിവില്‍ പോയിരുന്നു. വയനാട്ടിലെ വൈത്തിരിയില്‍ നിന്നാണ് ഇയാളെ പൊലീസ് അറസ്റ്റ് ചെയ്തത്. ജില്ലാ പൊലീസ് മേധാവിക്ക് ഉള്‍പ്പടെ യുവതി പരാതി നല്‍കിയിരുന്നു. മലപ്പുറം ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
യുവതിയുടെ പരാതിക്ക് പിന്നാലെ ബിജുവിനെ മോട്ടോര്‍ വാഹനവകുപ്പ് സസ്‌പെന്റ് ചെയ്തിരുന്നു.
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
