മിന്നല് ഹര്ത്താല് നിയമ വിരുദ്ധം; ലംഘിച്ചവര്ക്കെതിരെ കര്ശന നടപടി: ഹൈക്കോടതി
കൊച്ചി: പോപ്പുലര് ഫ്രണ്ട് സംസ്ഥാനത്ത് ആഹ്വാനം ചെയ്ത മിന്നല് ഹര്ത്താല് നിയമ വിരുദ്ധമെന്ന് ഹൈക്കോടതി. മിന്നല് ഹര്ത്താല് നേരത്തെ കോടതി നിരോധിച്ചതാണെന്നും ഇതു ലംഘിച്ചവര്ക്കെതിരെ നടപടിയെടുക്കണമെന്നും കോടതി ഉത്തരവിട്ടു.
മിന്നല് ഹര്ത്താലിന് ആഹ്വാനം ചെയ്ത നേതാക്കളുടെ നടപടി പ്രഥമദൃഷ്ട്യാ കോടതി അലക്ഷ്യമാണെന്ന് ജസ്റ്റിസുമാരായ എകെ ജയശങ്കരന് നമ്പ്യാരും മുഹമ്മദ് നിയാസും അടങ്ങിയ ബെഞ്ച് ചൂണ്ടിക്കാട്ടി. പിഎഫ്ഐ നേതാക്കള്ക്കെതിരെ സ്വമേധയാ കോടതിയലക്ഷ്യ നടപടികള് തുടങ്ങുകയാണെന്ന് ബെഞ്ച് അറിയിച്ചു.
ഏഴു ദിവസം മുമ്പ് നോട്ടീസ് നല്കാതെയുള്ള ഹര്ത്താലുകളും സമാനമായ സമരങ്ങളും നിയമ വിരുദ്ധമാണെന്ന് ഹൈക്കോടതി നേരത്തെ വ്യക്തമാക്കിയിരുന്നു.
ഹര്ത്താലില് സ്വകാര്യ, പൊതു സ്വത്ത് നശിപ്പിക്കുന്നതു തടയാന് പൊലീസ് നടപടിയെടുക്കണമെന്ന് കോടതി നിര്ദേശിച്ചു. പൊതു ഗതാഗത സംവിധാനങ്ങള്ക്കു പൊലീസ് മതിയായ സുരക്ഷ ഒരുക്കണം. മിന്നല് ഹര്ത്താലുകള് നിയമ വിരുദ്ധമാണെന്ന കാര്യം ജനങ്ങളെ അറിയിക്കാന് മാധ്യമങ്ങള് ശ്രദ്ധിക്കണമെന്നും കോടതി നിര്ദേശിച്ചു.
കേസ് കോടതി 29ന് വീണ്ടും പരിഗണിക്കും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ