മൂന്നാര്‍: അരിക്കൊമ്പന്റെ സംഘത്തില്‍ പുതിയ ഒരതിഥി കൂടിയെത്തി. ചിന്നക്കനാലില്‍ അരിക്കൊമ്പന്റെ കൂട്ടത്തിലുള്ള പിടിയാനയ്ക്ക് കുഞ്ഞ് പിറന്നു. 301 കോളനിയിലെ ഓമനക്കുഴിയിലാണ് പിടിയാന പ്രസവിച്ചത്. കുട്ടിയാനയ്ക്ക് സുരക്ഷയൊരുക്കി ആനക്കൂട്ടം തമ്പടിച്ചിരിക്കുകയാണ്.
ഈ സംഘത്തിനൊപ്പം മറ്റൊരു കുട്ടിയാന കൂടിയുണ്ട്. അതിനിടെ അരിക്കൊമ്പന്റെ കാടുമാറ്റത്തില്‍ സംസ്ഥാന സര്‍ക്കാര്‍ ഇന്ന് നിലപാട് എടുക്കും. വിഷയം ഹൈക്കോടതി നാളെ പരിഗണിക്കാനിരിക്കുകയാണ്. ഈ പശ്ചാത്തലത്തില്‍ ഉടന്‍ തീരുമാനമെടുക്കേണ്ട സ്ഥിതിയാണ്.
കോടതി നിര്‍ദേശ പ്രകാരം അരിക്കൊമ്പനെ പറമ്പിക്കുളത്തേക്ക് മാറ്റുക, ആനയുടെ കാടുമാറ്റലിന് കൂടുതല്‍ സാവകാശം തേടുക തുടങ്ങിയ സാധ്യതകളാണ് സര്‍ക്കാര്‍ പരിഗണിക്കുന്നത്. അരിക്കൊമ്പനെ പറമ്പിക്കുളത്തേക്ക് കൊണ്ടുവരുന്നതിൽ നാട്ടുകാര്‍ പ്രതിഷേധത്തിലാണ്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
