'പ്രധാനമന്ത്രിക്ക് നേരെ ചാവേറാക്രമണം നടത്തും'; ഭീഷണിക്കത്ത് എഴുതിയ ആൾ അറസ്റ്റിൽ

കൊച്ചി: പ്രധാനമന്ത്രിക്കെതിരെ ഭീഷണിക്കത്ത് എഴുതിയ ആൾ  പിടിയിൽ. കൊച്ചി സ്വദേശി സേവ്യറാണ് അറസ്റ്റിലായത്. വ്യക്തിവൈരാ​ഗ്യം കാരണമാണ് ഭീഷണിക്കത്ത് എഴുതിയതെന്ന് സിറ്റി പൊലീസ് കമ്മീഷണർ പറഞ്ഞു. അയൽക്കാരനെ കുടുക്കാനായിരുന്നു വ്യാജസന്ദേശം എന്ന് കമ്മീഷണർ സ്ഥിരീകരിച്ചു.

കത്രക്കടവിൽ കാറ്ററിങ് സ്ഥാപനം നടത്തുന്ന ആളാണ് സേവ്യർ. അയൽക്കാരനുമായുള്ള വ്യക്തി വൈരാ​ഗ്യത്തെ തുടർന്ന് ഇയാൾ ഇത്തരമൊരു കത്ത് എഴുതുകയായിരുന്നെന്നാണ് പൊലീസ് പറയുന്നത്. ഇയാളെ കസ്റ്റഡിയിലെടുത്ത് ചോദ്യം  ചെയ്തപ്പോഴാണ്  സേവ്യർ കുറ്റം സമ്മതിച്ചത്. വ്യക്തിവൈരാ​ഗ്യമാണ് ഇത്തരമൊരു കത്തെഴുതാൻ പ്രേരിപ്പിച്ചതെന്നാണ് ഇയാൾ പൊലീസി നൽകിയ മൊഴി.

ഭീഷണി സന്ദേശം വ്യാജമാണെന്ന് പൊലീസ് സ്ഥിരീകരിച്ചു. ഭീഷണി സന്ദേശത്തിന് പിന്നിൽ മറ്റ് ലക്ഷ്യങ്ങളൊന്നുമില്ലായിരുന്നെന്നും പൊലീസ് പറഞ്ഞു. 

ഈ വാർത്ത കൂടി വായിക്കൂ 

ആ നാണക്കാരിയിൽ നിന്ന് ഇന്നത്തെ ധീരവനിതയിലേക്ക്; കെ കെ ശൈലജയുടെ ആത്മകഥ, ‘മൈ ലൈഫ് ആസ് എ കോമ്രേഡ്’ വെള്ളിയാഴ്ച്ച പ്രകാശനം ചെയ്യും 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ