യുവതിയുടെ വയറ്റിൽ കത്രിക മറന്നു വച്ച സംഭവം; മെഡിക്കൽ ബോർഡ് റിപ്പോർട്ട് തള്ളി ആരോ​ഗ്യ മന്ത്രി

തിരുവനന്തപുരം: ശസ്ത്രക്രിയക്കിടെ കത്രിക വയറ്റിൽ മറന്നു വച്ച സംഭവത്തിൽ മെഡിക്കൽ ബോർഡ് റിപ്പോർട്ട് തള്ളി ആരോ​ഗ്യ മന്ത്രി വീണ ജോർജ്. ശസ്ത്രക്രിയക്കിടെ ഹർഷിന എന്ന യുവതിയുടെ വയറ്റിൽ കത്രിക കുടുങ്ങിയത് എങ്ങനെയെന്നു കണ്ടെത്താനാവില്ല. മെഡിക്കൽ കോളജിലെ കത്രികയാണോ എന്ന കാര്യത്തിൽ ഉറപ്പില്ലെന്നും റിപ്പോർട്ടിലുണ്ടായിരുന്നു. 

മെഡിക്കൽ ബോർഡ് റിപ്പോർട്ട് അം​ഗീകരിക്കാൻ സാധിക്കില്ലെന്നു മന്ത്രി വ്യക്തമാക്കി. ഹർഷിനയ്ക്ക് നീതി ഉറപ്പാക്കും. വിഷയത്തിൽ പൊലീസ് അന്വേഷണം തുടരുകയാണെന്നും മന്ത്രി പറഞ്ഞു. നിയമസഭയിൽ സ്വകാര്യ മെഡിക്കൽ കോളജിലെ പ്രവേശനം സംബന്ധിച്ച ഭേദ​ഗതി ബില്ലിന്റെ ചർച്ചയ്ക്കിടെയാണു മന്ത്രിയുടെ പരാമർശം. 

വിഷയത്തിൽ മെഡിക്കൽ ബോർഡ് കണ്ടെത്തലിനെതിരെ അപ്പീൽ പോകുമെന്നു ഹർഷിന വ്യക്തമാക്കിയിരുന്നു. ഈ മാസം 16നു സെക്രട്ടേറിയറ്റിനു മുന്നിൽ സൂചനാ സമരം നടത്തുമെന്നും ഹർഷിന പറഞ്ഞിരുന്നു.

ഈ വാര്‍ത്ത കൂടി വായിക്കൂ

മാസപ്പടി വിവാദം സഭയില്‍ ഉന്നയിച്ച് കുഴല്‍നാടന്‍; തടഞ്ഞ് സ്പീക്കര്‍, നാടകീയ രംഗങ്ങള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ