കെഎസ്ആർടിസി ബസ്സുണ്ടോ എന്ന് ഇനി ​ഗൂ​ഗിൾ മാപ്പിൽ നോക്കിയാൽ മതി; റൂട്ടും സമയവും അറിയാം

By സമകാലിക മലയാളം ഡെസ്‌ക്‌  |   Published: 16th January 2023 08:49 AM  |  

Last Updated: 16th January 2023 08:49 AM  |   A+A-   |  

ksrtc bus

പ്രതീകാത്മക ചിത്രം

 

തിരുവനന്തപുരം; ​ഗൂ​ഗിൾ മാപ്പ് നോക്കിയാൽ ഇനി കെഎസ്ആർടിസി ബസ് എപ്പോൾ വരും എന്നറിയാം. കെഎസ്ആർടിസ് ബസ് സർവീസുകളുടെ റൂട്ടും സമയവുമാണ് ​ഗൂ​ഗിൾ മാപ്പിൽ ഉൾപ്പെടുത്തുന്നത്. പരീക്ഷണാടിസ്ഥാനത്തിൽ തിരുവനന്തപുരം ന​ഗരത്തിലെ സിറ്റി സർക്കുലർ സർവീസുകളുടെ വിവരങ്ങൾ ഉൾപ്പെടുത്തി. 

​ഗൂ​ഗിൾ മാപ്പിൽ പബ്ലിക് ട്രാൻസ്പോർട്ടിലാണ് ഇത് ലഭ്യമാകുക. പോകേണ്ട സ്ഥലം നൽകിയാൽ പെട്ടെന്ന് വിവരങ്ങൾ ലഭിക്കും. സിറ്റി സർക്കുലർ സർവീസുകളുടെ വിവരം പൂർണമായും ഉൾപ്പെടുത്തിയ ശേഷമാകും ദീർഘദൂര സ്വിഫ്റ്റ് സർവീസുകളുടെ വിവരങ്ങളും എത്തുക. പിന്നീട് മുഴുവൻ കെഎസ്ആർടിസ് ബസ്സുകളുടേയും റൂട്ട് ​ഗൂ​ഗിൾ മാപ്പിൽ എത്തിക്കാനാണ് തീരുമാനം. 

തിരുവനന്തപുരം സിറ്റി സർക്കുലർ സർവീസുകൾ മജന്ത, യെല്ലോ, ​ഗ്രീൻ, ഓറഞ്ച്, റെഡ് തുടങ്ങിയ നിറങ്ങളിലാണ് ക്രമീകരിച്ചിരിക്കുന്നത്. ബസ്സുകളിലെ ജിപിഎസ് പ്രവർത്തന സജ്ജമാകുന്നതോടെ ബസ് എവിടെയെത്തിയെന്നും മാപ്പിൽ ലഭ്യമാകുമെന്നും സിഎംഡിയും ​ഗതാ​ഗത സെക്രട്ടറിയുമായ ബിജു പ്രഭാകർ പറഞ്ഞു. സ്വിഫ്റ്റിലും ഇത് നടപ്പാകുന്നതോടെ ബസ് എവിടെയെത്തിയെന്ന് മനസിലാക്കി കൃത്യസമയത്ത് ബസ് സ്റ്റോപ്പിൽ എത്താനാവും. 

ഈ വാര്‍ത്ത കൂടി വായിക്കൂ 

അശ്ലീല വീഡിയോ വിവാദം: സിപിഎം നേതാവിനെതിരെ ഡിജിപിക്ക് പരാതി​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ