മഴക്കെടുതി, ദുരിതാശ്വാസ ക്യാമ്പ്; നാളെ ചില സ്കൂളുകൾക്ക് അവധി

ആലപ്പുഴ: നാളെ സംസ്ഥാനത്ത് പുതിയ അധ്യായന വർഷത്തിനു തുടക്കമാകാനിരിക്കെ ചില സ്കൂളുകൾക്ക് അവധി (school holiday). കാലവർഷക്കെടുതിയെ തുടർന്നു കുട്ടനാട് താലൂക്ക്, പുറക്കാട് പഞ്ചായത്തുകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധിയായിരിക്കും. കനത്ത മഴയെ തുടർന്നു വെള്ളക്കെട്ട് രൂപപ്പെട്ട സാഹചര്യത്തിലാണ് തീരുമാനം.

കോട്ടയം ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് തിങ്കളാഴ്ച അവധി പ്രഖ്യാപിച്ച് ഉത്തരവായി. ദുരിതാശ്വാസ ക്യാമ്പുകളായി പ്രവർത്തിക്കുന്ന സ്കൂളുകളിലെ പ്രവേശനോത്സവം ക്യാമ്പ് അവസാനിക്കുന്നതിൻ്റെ അടുത്ത പ്രവൃത്തി ദിവസം നടത്തണം. സ്കൂൾ പരിസരത്തും ക്ലാസ് മുറികളിലും ശുചിമുറികളിലും ഇഴ ജന്തുക്കളുടെയും മറ്റും ശല്യം ഇല്ലെന്ന് ഉറപ്പാക്കണം- കോട്ടയം ജില്ലാ കലക്ടർ വ്യക്തമാക്കി.

'എൽഡിഎഫും യുഡിഎഫും ഉറപ്പുകൾ തന്നു'; നിലമ്പൂരിൽ മത്സരിക്കില്ലെന്ന് വ്യാപാരി വ്യവസായി ഏകോപന സമിതി

നാളെ സ്കൂളുകൾ തുറക്കാനിരിക്കെ മഴ ഭീതിയുണ്ടായിരുന്നു. എന്നാൽ ഇന്ന് സംസ്ഥാനത്ത് മിക്കയിടങ്ങളിലും കാര്യമായി മഴ പെയ്തില്ല എന്നത് ആശ്വാസമാണ്. ഇടവിട്ടുള്ള മഴയാണ് നിലവിൽ പ്രവചിച്ചിരിക്കുന്നത്. കെടുതികൾക്കും ഇതോടെ അൽപ്പം ശമനമുണ്ട്.

ഗുരുവായൂര്‍ ക്ഷേത്രത്തില്‍ ദര്‍ശനം നടത്തി ആകാശ് അംബാനി