പൊട്ടിത്തെറി, പിന്നാലെ പുക; കോഴിക്കോട് മെഡിക്കൽ കോളജ് അത്യാഹിത വിഭാ​ഗത്തിൽ തീപിടിത്തം, രോ​ഗികളെ മാറ്റി

കോഴിക്കോട്: മെഡിക്കൽ കോളജ് ആശുപത്രിയിൽ നിന്നു വലിയ തോതിൽ പുക ഉയർന്നത് പരിഭ്രാന്തി പരത്തി. പൊട്ടിത്തെറിയുണ്ടായതായും പിന്നാലെയാണ് പുക ഉയർന്നതെന്നും ആശുപത്രിയിലുണ്ടായിരുന്നവർ പറയുന്നു. അത്യാഹിത വിഭാ​ഗം പ്രവർത്തിക്കുന്ന പുതിയ കെട്ടിടത്തിനകത്തെ യുപിഎസ് റൂമിൽ നിന്നാണ് പുക ഉയർന്നത്.

രാത്രി എട്ട് മണിയോടെയാണ് സംഭവം. ഷോർട്ട് സർക്യൂട്ടാണ് അപകടത്തിനു കാരണമെന്നാണ് പ്രാഥമിക നി​ഗമനം. സംഭവത്തെക്കുറിച്ച് അന്വേഷിക്കാൻ ആരോ​ഗ്യ മന്ത്രി നിർദ്ദേശിച്ചു.

തൃശൂരില്‍ മിന്നല്‍ പരിശോധന; ആറ് ഹോട്ടലുകളില്‍ നിന്ന് പഴകിയ ഭക്ഷണം പിടിച്ചു

ഒന്നും കാണാൻ സാധിക്കാത്ത വിധം പുക ഉയർന്നു. ഇതോടെ പല രോ​ഗികൾക്കും ശ്വാസ തടസമടക്കമുള്ള അസ്വസ്ഥകളുണ്ടായി. ആളുകൾ പേടിച്ച് ചിതറിയോടി. പിന്നാലെ അത്യാഹിത വിഭാ​ഗത്തിലെ 200ലധികം രോ​ഗികളെ മാറ്റി. സമീപത്തെ മറ്റ് ആശുപത്രികളിലേക്കാണ് രോ​ഗികളെ മാറ്റിയത്. അത്യാഹിത വിഭാ​ഗത്തിലെ ഉപകരണങ്ങളും മാറ്റി.

സ്ഥിതി നിയന്ത്രണവിധേയമാണെന്നും ആളപായം ഇല്ലെന്നും ആശുപത്രി സൂപ്രണ്ട് വ്യക്തമാക്കി. അ​ഗ്നിരക്ഷാ സേനയും പൊലീസും സ്ഥലത്തെത്തി തീ നിയന്ത്രണവിധേയമാക്കി.