"ഇത് നിങ്ങൾ ഉറപ്പായും സൂം ചെയ്ത് നോക്കും"; ചന്ദ്രന്റെ ഏറ്റവും വ്യക്തമായ പടം, പകർത്തിയത് 2.8ലക്ഷം ചിത്രങ്ങൾ

ചന്ദ്രന്റെ ഏറ്റവും വ്യക്തമായ ചിത്രം പകർത്തി അമേരിക്കൻ ആസ്ട്രോ ഫൊട്ടോഗ്രാഫർ ആൻഡ്രൂ മക്കാർത്തി. ചന്ദ്രന്റെ ഉപരിതലം അതിമനോഹരമായി പകർത്തി ഓരോ ചെറിയ ഘടകങ്ങളും ലോകത്തിന് മുന്നിലെത്തിച്ചിരിക്കുകയാണ് ഈ ചിത്രങ്ങൾ. സോഷ്യൽ മീഡിയയിൽ പങ്കുവച്ച ചിത്രങ്ങൾ ഇതിനോടകം തന്നെ വൈറലായിക്കഴിഞ്ഞു. 

രണ്ട് ടെലിസ്കോപ്പുകൾ ഉപയോ​ഗിച്ച് ചന്ദ്രന്റെ 2,80,000 ചിത്രങ്ങളാണ് മക്കാർത്തി പകർത്തിയത്. "രണ്ട് ടെലിസ്കോപ്പുകൾ ഉപയോ​ഗിച്ച് 2,80,000ലധികം വ്യക്തിഗത ഫോട്ടോകൾ പകർത്തി‌ ഞാൻ നമ്മുടെ ചന്ദ്രന്റെ ഏറ്റവും വ്യക്തമായ ചിത്രം എടുത്തു. ഫുൾ സൈസ് ഒരു ജിഗാപിക്സലിന് മുകളിലാണ്. നിങ്ങൾ ഇത് സൂം ചെയ്തുകാണാൻ ആ​ഗ്രഹിക്കും എന്നെനിക്ക് ഉറപ്പാണ്", മക്കാർത്തി ട്വിറ്ററിൽ കുറിച്ചു. ചിത്രം പകർത്താൻ കാമറ സെറ്റ് ചെയ്യുന്നതിന്റെ ടൈംലാപ്സ് വിഡിയോ അദ്ദേഹം ഇൻസ്റ്റ​ഗ്രാമിൽ പങ്കുവച്ചിട്ടുമുണ്ട്. 

ഈ വാര്‍ത്ത കൂടി വായിക്കൂ 

അൻപതിനായിരത്തിലധികം സ്വരോസ്കി ക്രിസ്റ്റലുകൾ, 200 മണിക്കൂറോളം നീണ്ട അധ്വാനം; ​ഗിന്നസ് റെക്കോർഡിട്ട് ഒരു വിവാഹ ​ഗൗൺ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ