"ഇത്രയും വൃത്തികെട്ട ഷൂ കണ്ടിട്ടില്ല"; ബെലൻസിയാഗയുടെ പുത്തൻ ഷൂ കളക്ഷൻ, വില 48,000!

ഉപയോഗിച്ച് മുഷിഞ്ഞ ലുക്കുള്ള നൂറ് ജോഡി ഷൂകളാണ് ബ്രാൻഡ് അവതരിപ്പിച്ചിരിക്കുന്നത്

ചിത്രം: ഇൻസ്റ്റഗ്രാം

Author:

Updated on:

11 May 2022, 9:06 am

1 min read

ആഡംബര ബ്രാൻഡായ ബെലൻസിയാഗയുടെ പുത്തൻ ഷൂ കളക്ഷൻ കണ്ട് അന്തംവിട്ട് ഫാഷൻ പ്രേമികൾ. ഉപയോഗിച്ച് മുഷിഞ്ഞ ലുക്കുള്ള നൂറ് ജോഡി ഷൂകളാണ് ബ്രാൻഡ് അവതരിപ്പിച്ചിരിക്കുന്നത്. ഇത്രയും വൃത്തികെട്ട ഷൂസ് ഇതിനുമുമ്പ് കണ്ടിട്ടില്ലെന്നാണ് കമന്റുകൾ.

'പാരിസ് സ്നീക്കേഴ്സ്' എന്നാണ് ബെലൻസിയാഗയുടെ പുതിയ കളക്ഷന്റെ പേര്. ഷൂ കണ്ടതിനേക്കാൾ ഞെട്ടലായിരുന്നു ഇതിന്റെ വില കേട്ടപ്പോൾ. 625 അമേരിക്കൻ ഡോളർ (ഏകദേശം 48000 ഇന്ത്യൻ രൂപ) ആണ് വില.

ബെലൻസിയാഗയുടെ ഔദ്യോഗിക വെബ്സൈറ്റിലൂടെയാണ് കളക്‌ഷന്റെ വിൽപന. സ്‌നീക്കേഴ്‌സിന് പിന്നിലെ ആശയം വിശദീകരിക്കുന്ന കുറിപ്പോടെയാണ് ബാലൻസിയാഗ ശേഖരം പ്രഖ്യാപിച്ചത്. അങ്ങേയറ്റം ധരിച്ചെന്ന് തോന്നുന്നതും അഴുക്ക് നിറഞ്ഞതുമായ പുതിയ സ്‌നീക്കറുകൾ, മധ്യ-നൂറ്റാണ്ടിലെ കായികക്ഷമതയെയും കറുപ്പ്, വെളുപ്പ്, ചുവപ്പ് നിറങ്ങളിലെ കാലാതീതമായ കാഷ്വൽ വിയറുകളെയും വ്യാഖ്യാനിക്കുന്ന ഒരു റീടൂൾഡ് ക്ലാസിക് ഡിസൈനാണ് എന്നാണ് ബ്രാൻഡ് വിശേഷിപ്പിക്കുന്നത്. ലോകമെമ്പാടും ഓൺലൈനായി മുൻകൂട്ടി ഓർഡർ ചെയ്യാൻ ലഭ്യമാണ്.