ഒറ്റമിനിറ്റില്‍ കൂടുതല്‍ ഭക്ഷണം കഴിച്ചും ഏറ്റവും വലിയ വിള കൃഷി ചെയ്‌തെടുത്തുമെല്ലാം ലോകറെക്കോര്‍ഡിട്ടവര്‍ ഏറെയാണ്. എന്നാലിപ്പോള്‍ ഒറ്റ തണ്ടില്‍ ഏറ്റവും കൂടുതല്‍ തക്കാളി വിളയിച്ചാണ് ഇംഗ്ലണ്ട് സ്വദേശി ലോക റെക്കോര്‍ഡ് തീര്‍ത്തത്. 839 തക്കാളികളാണ് ഡോഗ്ലസ് സ്മിത് എന്ന കര്‍ഷകന്‍ ഒറ്റ തണ്ടില്‍ വിളയിച്ചത്.
2010ല്‍ 448 തക്കാളികള്‍ വിളയിച്ച ഗ്രഹാം തണ്ടര്‍ എന്നയാളുടെ പേരിലുണ്ടായിരുന്ന ലോകറെക്കോര്‍ഡാണ് ഡോഗ്ലസ് തിരുത്താനൊരുങ്ങുന്നത്. ഗിന്നസ് വേള്‍ഡ് റെക്കോര്‍ഡ് അധികൃതരുമായി ബന്ധപ്പെട്ടെന്നും അവരുടെ മറുപടി കാത്തിരിക്കുകയാണെന്നും കുറിച്ച് ഡോഗ്ലസ് തന്നെയാണ് ഇക്കാര്യം പങ്കുവച്ചത്.
ഐടി ഉദ്യോഗസ്ഥനായ ഡോഗ്ലസ് വിത്തിട്ടാണ് തക്കാളിച്ചെടി വളര്‍ത്തിയത്. ആഴ്ചയില്‍ മൂന്ന് നാല് മണിക്കൂര്‍ ചെടിക്കായി ചിലവിട്ടാണ് ഇദ്ദേഹമിപ്പോള്‍ ലോകറെക്കോര്‍ഡ് നേട്ടത്തിന് അടുത്തെത്തിയിരിക്കുന്നത്. നേരത്തെ ലോകത്തിലെ ഏറ്റവും വലിയ തക്കാളി വിളയിച്ച ഡോഗ്ലസ് വാര്‍ത്തകളില്‍ താരമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
