ഇഡലിയും ഗോല്‍ഗപ്പയും കൊണ്ടൊരു ഫ്യൂഷന്‍, 'ലാവ ഇഡലി'; എന്തിനാണ് ഈ ചതി എന്ന് കമന്റ് 

പ്രഭാതഭക്ഷണം എന്നോര്‍ക്കുമ്പോള്‍ നമുക്ക് ആദ്യം ഓര്‍മ്മവരുന്നത് ഇഡലിയും ദോശയും അപ്പവും പുട്ടുമൊക്കെതന്നെയാണ്. പരമ്പരാഗതമായി തയ്യാറാക്കുന്ന ഈ വിഭവങ്ങള്‍ക്കും ഇപ്പോഴിതാ മേക്കോവര്‍ ലഭിക്കുകയാണ്. അതില്‍ ഏറ്റവും പുതിയതാണ് ലാവാ ഇഡലി. ലാവാ കേക്ക് എന്നൊക്കെ പറയുന്നതുപോലെ ഇഡലിയുടെയും ഗോല്‍ഗപ്പയുടെയും ഒരു ഫ്യൂഷനാണ് സംഗതി. 

ഇഡലി ലാവ ഉണ്ടാക്കുന്ന വിഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ഇഡലി തട്ടിലേക്ക് ഇഡലിമാവ് ഒഴിച്ച് ശേഷം സാമ്പാര്‍ നിറച്ച ഗോല്‍ഗപ്പ ഇതിലേക്ക് വയ്ക്കണം. ഇതിന് മുകളിലേക്ക് വീണ്ടും ഇഡലി മാവ് ഒഴിച്ച് മൂടണം. 8-10 മിനിറ്റ് ആവിയില്‍ വേവിക്കണം. ഇതാണ് ലാവ ഇഡലിയുടെ റെസിപ്പി. 

വിഡിയോ കണ്ട ഇഡലി ആരാധകര്‍ അത്ര സന്തോഷത്തിലല്ല. എന്താണ് ഇവര്‍ ഇഡലിയോട് ചെയ്തുവച്ചിരിക്കുന്നത്, ഇഡലിയോട് ഈ ചതി ചെയ്തവര്‍ക്ക് ശിക്ഷ ലഭിക്കണം, ഇതിപ്പോ ഇഡലിയോടും ഗോല്‍ഗപ്പയോടും നീതി പുലര്‍ത്തിയിട്ടില്ല എന്നെല്ലാമാണ് വിഡിയോ പങ്കുവച്ച് ഇഡലി പ്രേമികള്‍ കുറിക്കുന്നത്.

ഈ വാര്‍ത്ത കൂടി വായിക്കൂ 

പക്ഷിക്കാഷ്ടം നിറഞ്ഞ തൊഴുത്തില്‍ കിടന്നിരുന്ന ചിത്രം; ലേലത്തില്‍ വിറ്റത് 31 ലക്ഷം ഡോളറിന് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ