കണ്ടാൽ കൊതിയൂറും, മാം​ഗോ ബോംബ്; ഇതാ പുതിയ വൈറൽ റെസിപ്പി

ഡാൽ​ഗോണാ കോഫി, ബക്കറ്റ് ചിക്കൻ, ഫുൾജാർ സോഡ അങ്ങനെ സോഷ്യൽ മീഡിയയിൽ വൈറലായ ഒരുപാട് റെസിപ്പികളുണ്ട്. ആ നിരയിലേക്ക് ഇപ്പോഴിതാ പുതിയൊരു റെസിപ്പി കൂടി എത്തിയിരിക്കുകയാണ്. മാംഗോ ബോംബ് ആണ് പുതിയ താരം. പാചകം അറിയാത്തവർക്കും ഇഷ്ടമല്ലാത്തവർക്കും പോലും ഈസിയായി തയ്യാറാക്കാവുന്നതാണ് സം​ഗതി. 

പച്ച മാങ്ങയ്ക്കൊപ്പം മുളക് പൊടി, ഉപ്പ്, കുരുമുളക് എന്നിവ ചേർത്താണ് മാംഗോ ബോംബ് തയ്യറാക്കുന്നത്. ഇഷ്ടമുള്ളവർക്ക് പച്ചമുളകും കറിവേപ്പിലയും ചേർക്കാവുന്നതാണ്. മാങ്ങയും മറ്റ് ചേരുവകളും എല്ലാം കൂടെ ഒരു കവറിലേക്കിട്ടതിന് ശേഷം അമ്മിക്കല്ലോ ഭാരമുള്ള മറ്റെന്തെങ്കിലും കൊണ്ടോ നന്നായി ചതച്ചെടുക്കണം. നന്നായി ചതച്ചതിന് ശേഷം പൊതി തുറന്ന് മാങ്ങ ഒരു പാത്രത്തിലേക്ക് മാറ്റുക. 

ഈ വാര്‍ത്ത കൂടി വായിക്കൂ 

'ഇന്ത്യയിൽ നല്ല മനുഷ്യരുമുണ്ടെന്ന് ഇതോടെ മനസിലായി'- അമേരിക്കൻ യുവതിയുടെ കുറിപ്പ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ