നാസയുടെ ബഹിരാകാശയാത്രിക സുനിത വില്യംസും സംഘവും അന്താരാഷ്ട്ര ബഹിരാകാശ നിലയത്തില്‍ ക്രിസ്മസ് ആഘോഷിക്കാന്‍ ഒരുങ്ങുകയാണ്. ക്രിസ്മസ് സമ്മാനങ്ങള്‍ സ്‌പേസ് എക്‌സ് ഡ്രാഗണ്‍ കാപ്‌സ്യൂള്‍ ബഹിരാകാശത്തേക്ക് കാര്‍ഗോ ഡെലിവറി നടത്തിയിരുന്നു. പിന്നാലെ ക്രിസ്മസ് തൊപ്പിവച്ച് സാന്റയായി നില്‍ക്കുന്ന സുനിതയുടെയും ഡോണ്‍ പെറ്റിറ്റിന്റെയും ചിത്രവും നാസ പങ്കിട്ടു.
'മറ്റൊരു ദിവസം, മറ്റൊരു വാഹനം. നാസ ബഹിരാകാശയാത്രികരായ ഡോണ്‍ പെറ്റിറ്റും സുനിത വില്യംസും ബഹിരാകാശ നിലയത്തിലെ കൊളംബസ് ലബോറട്ടറി മൊഡ്യൂളിനുള്ളില്‍ ഹാം റേഡിയോയില്‍ നിന്ന് സംസാരിക്കുന്നു, രസകരമായ അവധിക്കാല ചിത്രത്തിന് പോസ് ചെയ്യുന്നു ' നാസ എക്‌സ് പോസ്റ്റില്‍ പറഞ്ഞു.
റിപ്പോര്‍ട്ടുകള്‍ പ്രകാരം സുനിതയ്ക്കും സംഘത്തനും ബഹിരാകാശത്ത് ക്രിസ്മസ് ആഘോഷിക്കുന്നതിനുള്ള സാധനങ്ങള്‍ ഭൂമിയില്‍ നിന്ന് നാസ അയച്ച് കൊടുത്തിട്ടുണ്ട്. ക്രിസ്മസ് ഭക്ഷണം തയാറാക്കുന്നതിനുള്ള പ്രത്യേക വിഭവങ്ങളും സമ്മാനങ്ങളും കൂട്ടത്തിലുണ്ട്. ക്രിസ്മസിന് മുമ്പ് ആശംസ സന്ദേശങ്ങള്‍ വിഡിയോ കോളുകള്‍ വഴി ബഹിരാകാശയാത്രികര്‍ കുടുംബാംഗങ്ങള്‍ക്കും സുഹൃത്തുക്കള്‍ക്കും കൈമാറിയേക്കും.
ബഹിരാകാശ നിലയില്‍ ആറ് മാസമായി കഴിയുന്ന സുനിതയും ബുച്ച് വില്‍മോറും ഫെബ്രുവരിയില്‍ ഭൂമിയില്‍ തിരിച്ചെത്തുമെന്നാണ് റിപ്പോര്‍ട്ടുകള്‍. ജൂണില്‍ എട്ട് ദിവസത്തെ ദൗത്യത്തിനായി ഭൂമിയില്‍ നിന്ന് പുറപ്പെട്ട സംഘം പേടകത്തിലെ സാങ്കേതിക തകരാറിനെ തുടര്‍ന്ന് ബഹിരാകാശത്ത് കുടുങ്ങുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
