ന്യൂഡല്‍ഹി: പ്രണയം ബ്രേക്ക് അപ്പ് ആയാല്‍ പലരും പല രീതിയിലാണ് പ്രതികരിക്കാറ്. 24 കാരിയായ ആയുഷി റാവത്ത് തന്റെ എക്‌സിന് വാലന്റൈന്‍സ് ഡേയില്‍ നല്‍കിയ സമ്മാനം അത്തരത്തിലൊന്നാണ്. 100 പിസകളാണ് തന്റെ എക്‌സിന് യുവതി ഓഡര്‍ ചെയ്തത്. എന്നാല്‍ നൂറ് പിസകള്‍ ഓഡര്‍ ചെയ്ത് നല്‍കിയതാകട്ടെ ക്യാഷ് ഓണ്‍ ഡെലിവറിയിലും.
എക്‌സിന്റെ വീടിന്റെ വാതിലിന് മുന്നില്‍ 100 പിസ ബോക്‌സുകള്‍ അടുക്കിവെക്കുന്ന ഒരു ഡെലിവറി ബോയിയുടെ ചിത്രം ഓണ്‍ലൈനില്‍ പ്രത്യക്ഷപ്പെട്ടതോടെയാണ് സംഭവം പുറംലോകം അറിയുന്നത്.
വേര്‍പിരിഞ്ഞതിലുള്ള പ്രതികാരമായിരുന്നോ അതോ പബ്ലിസിറ്റി സ്റ്റണ്ടായിരുന്നോ എന്നാണ് സോഷ്യല്‍ മീഡിയയിലെ ചര്‍ച്ചകള്‍. ചിലര്‍ ഇവരുടെ പ്രവൃത്തിയെ വിമര്‍ശിച്ചിട്ടുണ്ട്. ചിലര്‍ പെണ്‍കുട്ടിയുടെ പ്രതികാര നടപടിയാണെന്ന് അവകാശപ്പെട്ടു. ഇത്രയും വലിയ ഓര്‍ഡര്‍ ക്യാഷ് ഓണ്‍ ഡെലിവറി ആയി നല്‍കാന്‍ കഴിയില്ല എന്ന് മറ്റൊരാള്‍ അഭിപ്രായപ്പെട്ടു. ഇത്രയും ഭക്ഷണം പാഴാക്കിയതിനെതിരെയും ചിലര്‍ പ്രതികരിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
