അമ്മമാര്‍ സൂപ്പറാണ്: മാതൃദിനത്തോടനുബന്ധിച്ച് പത്മലക്ഷ്മി മുലയൂട്ടുന്ന ഫോട്ടോ വൈറലാകുന്നു

ഉപാധികളൊന്നുമില്ലാത്ത ഒരേയൊരു സ്‌നേഹം മാത്രമേ ഈ ലോകത്തിലുള്ളു. അത് അമ്മയുടെ സ്‌നേഹമാണ്. അമ്മ മക്കളെ സ്‌നേഹിക്കുന്ന പോലെയുള്ള സ്‌നേഹം മറ്റെവിടെയും കാണാന്‍ കഴിയില്ല. തിരിച്ചൊന്നും പ്രതീക്ഷിക്കാതെയുള്ള ഈ സേവനത്തിന് പ്രതിഫലമായി അമ്മമാര്‍ക്ക് വേണ്ടി ഒരു ദിനം ലോകത്താകമാനം 'മാതൃദിനം' എന്ന പേരില്‍ കൊണ്ടാടുന്നുണ്ട്.

ഈ ദിനത്തോടനുബന്ധിച്ച് ആളുകള്‍ ട്വിറ്ററിലും ഫേസ്ബുക്കിലുമെല്ലാം തങ്ങളുടെ അമ്മമാരെ അനുമോദിച്ച് സജീവമായിരിക്കും. അതിനിടെ നടിയും ടിവി അവതാരകയുമായ പത്മ ലക്ഷ്മി ട്വിറ്ററില്‍ പോസ്റ്റ് ചെയ്ത ഒരു ഫോട്ടോയാണ് ശ്രദ്ധേയമാകുന്നത്. ഒരേ സമയം ഒരുപാട് ജോലികള്‍ ചെയ്യാന്‍ കഴിയുന്ന അമ്മമാരുടെ മള്‍ട്ടിടാസ്‌കിങ് കഴിവിനെ ചൂണ്ടിക്കാണിക്കുന്ന ആ ഫോട്ടോ സമൂഹമാധ്യമങ്ങള്‍ ഏറ്റെടുത്ത് കഴിഞ്ഞു.

തന്റെ മകളെ മടിയിലുരുത്തി മുലയൂട്ടുന്നതിനൊപ്പം തന്നെ കയ്യില്‍ കണ്ണാടി പിടിച്ച് സ്വയം മേക്കഅപ് ഇടുന്ന ഫോട്ടോയാണ് പത്മ ട്വീറ്റ് ചെയ്തത്.