ആട് ഒരു 'സ്മാർട്ട്' ജീവിയാണ്; വീഡിയോ വൈറൽ

മൃഗങ്ങളുടെ രസകരമായ വീഡിയോകൾ സാമൂഹിക മാധ്യമങ്ങളിൽ വൈറലായി മാറാറുണ്ട്. അത്തരത്തിലൊരു വീഡിയോ സാമൂഹിക മാധ്യമങ്ങളിൽ ഹിറ്റായിരിക്കുകയാണ്. സംഗതി അൽപം പഴയതാണെങ്കിലും ഐഎഫ്എസ് ഉദ്യോഗസ്ഥയായ സുധ രാമൻ വീണ്ടും പങ്കുവച്ചതോടെയാണ് വീഡിയോ വീണ്ടും വൈറലായത്.

ബുദ്ധിമാനായ ഒരു ആട് ആണ് വീഡിയോയിലെ താരം. വിശന്നു വലഞ്ഞു നടന്ന അപ്പോഴാണ് അടുത്തുള്ളൊരു മരം നിറയെ നല്ല പച്ചയില കാണുന്നത്. പക്ഷേ മരത്തിലേക്ക് എത്ര ഏന്തിവലിഞ്ഞാലും എത്താത്ത അത്രയും ഉയരത്തിലാണ് ഇലകളുടെ നിൽപ്.

വൈകിയില്ല, ഉടനെ തന്നെ കക്ഷി മരത്തിന് താഴെയായി നിൽക്കുന്ന പോത്തിന്റെ ദേഹത്തേക്ക് ചാടിക്കയറുന്നു. അതിന്റെ പുറത്ത് പിൻകാലുകളുറപ്പിച്ച് മുൻകാലുകൾ മരത്തിലേക്ക് ഉയർത്തി ഇല കടിച്ചുപറിച്ച് തിന്നുന്നു. ആട് സ്മാർട്ടാണെന്ന കുറിപ്പോടെയാണ് സുധ രാമൻ വീഡിയോ പങ്കിട്ടത്.