കണ്ണും മനസും നിറയ്ക്കുന്ന ഒരു ഗാനം; സോഷ്യല്‍ മീഡിയ കീഴടക്കി അനന്യ മോളുടെ പാട്ട്; വിഡിയോ

'നീ മുകിലോ പുതുമഴമണിയോ... തൂ വെയിലോ ഇരുളല നിഴലോ...' ക്ലാസ് മുറിയില്‍ തന്റെ കൂട്ടുകാരനൊപ്പമിരുന്ന് അവള്‍ പാടി. സോഷ്യല്‍ മീഡിയയില്‍ വൈറലാവുകയാണ് അനന്യക്കുട്ടിയുടെ ഗാനം. ജന്മനാ കാഴ്ച വൈകല്യമുള്ള ഈ കൊച്ചു മിടുക്കി ഒറ്റ പാട്ടിലൂടെ സൈബര്‍ ലോകത്തിന്റെ മനസ് കീഴടക്കിയിരിക്കുകയാണ്.
 

കണ്ണൂര്‍ സ്വദേശിയായ അനന്യ ധര്‍മ്മശാല മാതൃക അന്ധവിദ്യാലയത്തിലെ നാലാം ക്ലാസ് വിദ്യാര്‍ത്ഥിയാണ്. ക്ലാസിലിരുന്ന് അനന്യ പാടുന്നതിന്റെ വിഡിയോ ആരോ സോഷ്യല്‍ മീഡിയയില്‍ പോസ്റ്റ് ചെയ്തതോടെയാണ് താരമായി മാറിയത്. ഉയരെ സംവിധായകന്‍ മനു അശോകന്‍ ഉള്‍പ്പടെ നിരവധി പേരാണ് അനന്യമോളുടെ പാട്ട് പങ്കുവെച്ചിരിക്കുന്നത്.