ജെഎൻയുവിൽ പഠിക്കണോ? എൻട്രൻസിന് ഇന്ന് മുതൽ അപേക്ഷിക്കാം ; പ്രവേശന  പരീക്ഷ ഇനി ഓൺലൈനിൽ

ഡൽഹിയിലെ ജവഹർലാൽ നെഹ്റു സർവകലാശാലയിലെ അടുത്ത അധ്യയന വർഷത്തേക്കുള്ള ഡി​ഗ്രി/ പിജി/ പിഎച്ച്ഡി കോഴ്സുകളിലേക്കുള്ള പ്രവേശന പരീക്ഷയ്ക്ക് ഇന്ന് മുതൽ അപേക്ഷിക്കാം. നാഷണൽ ടെസ്റ്റിങ് ഏജൻസിയാണ് ഇത്തവണ മുതൽ പരീക്ഷ നടത്തുന്നത്. ഓൺലൈനായാണ് പരീക്ഷ നടക്കുക. 

ഇന്ന് മുതൽ ഏപ്രിൽ 15 വരെയാണ് അപക്ഷേ സമർപ്പിക്കാനുള്ള സമയം. മെയ് 27 മുതൽ 30 വരെയാണ് ഓൺലൈനായി പരീക്ഷകൾ നടക്കുക. 127 ന​ഗരങ്ങളിൽ വച്ച് നടത്തുന്ന പരീക്ഷയുടെ ഹാൾ ടിക്കറ്റ് ഏപ്രിൽ22 മുതൽ ലഭ്യമാകുമെന്നും സർവകലാശാല അറിയിച്ചു.