ഉക്രെയ്ന്‍: ഭര്‍ത്താവിനെ കൊ്ന്ന് ലിംഗം വളര്‍ത്ത് നായയ്ക്ക് ഭക്ഷിക്കാന്‍ കൊടുത്ത ഭാര്യ അറസ്റ്റില്‍. മുപ്പത് വര്‍ഷത്തെ ഗാര്‍ഹികപീഡനം സഹിക്കാനാവാതെയാണ് മരിയ(48) എന്ന സ്ത്രീ ഭര്‍ത്താവ് അലക്‌സാണ്ടറിനെ(49) ക്രൂരമായി കൊലപ്പെടുത്തിയത്. ഉക്രെയിനിലെ ഒബാറിവിലാണ് സംഭവം. ഭര്‍ത്താവിനെ കൊലപ്പെടുത്തിയ വിവരം ഇവര്‍ തന്നെയാണ് അയല്‍വാസികളോട് പറഞ്ഞത്.
ജോലി കഴിഞ്ഞ് തിരികെ വീട്ടിലെത്തിയ അലക്‌സാണ്ടറിനെ കിടപ്പുമുറിയില്‍ വച്ചാണ് മരിയ കൊലപ്പെടുത്തിയത്. കഴുത്ത് മുറുക്കി ശ്വാസം മുട്ടിച്ച് ബോധരഹിതനാക്കിയ ശേഷം ഇയാളുടെ ലിംഗം ഇവര്‍ മുറിച്ച് മാറ്റി. ഇതിന് ശേഷം ശരീരത്തില്‍ കോടാലിയുപയോഗിച്ച് വെട്ടി പരിക്കേല്‍പ്പിക്കുകയും ചെയ്തു. മുറിവുകളില്‍ നിന്ന് രക്തം വാര്‍ന്ന നിലയില്‍ കിടന്ന അലക്‌സാണ്ടറിനെ തറയില്‍ വിരിക്കുന്ന ചവിട്ടിയില്‍ പൊതിഞ്ഞ ശേഷം മുറിച്ചെടുത്ത ലിംഗം ഇവര്‍ വളര്‍ത്തു നായയ്ക്ക് നല്‍കുകയായിരുന്നു.
മരിയയെ അലക്‌സാണ്ടര്‍ ഉപദ്രവിക്കുന്നത് പതിവായിരുന്നെന്ന് അയല്‍വാസികള്‍ പറയുന്നു. വീടിന് ചുറ്റും ഇവരെ കോടാലി കൊണ്ട് വെട്ടാനോങ്ങി ഓടിക്കുന്നത് കണ്ടിട്ടുണ്ടെന്നും അയല്‍വാസികള്‍ പൊലീസിന് മൊഴി നല്‍കി.
സംഭവത്തില്‍ മരിയയെ പൊലീസ് അറസ്റ്റ് ചെയ്തു. ഏറെക്കാലം നീണ്ട ശാരീരിക മാനസികമായ ഗാര്‍ഹിക പീഡനങ്ങള്‍ താങ്ങാവുന്നതിലുമപ്പുറമായതോടെയാണ് കടുത്ത നിലപാട് സ്വീകരിച്ചതെന്ന് മരിയ പൊലീസിന് മൊഴി നല്‍കി. 15 വര്‍ഷം തടവ് ശിക്ഷ ലഭിക്കാവുന്ന കുറ്റങ്ങളാണ് മരിയക്ക് മേല്‍ ചുമത്തിയിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
