വാര്‍ത്ത വായിക്കുന്നതിനിടയില്‍ ന്യൂസ് റൂമിലേക്ക് അപ്രതീക്ഷിതമായി കയറി വന്ന ഒരു പക്ഷിയാണ് ഇപ്പോള്‍ സോഷ്യല്‍ മീഡിയയിലെ താരം. ലൈവ് ടെലികാസ്റ്റ് നടക്കുന്നതിനിടയില്‍ പക്ഷി പറന്നുവന്ന് അവതാരകയുടെ തലയില്‍ ഇരിക്കുകയായിരുന്നു. പക്ഷിയുടെ ടെലിവിഷന്‍ അരങ്ങേറ്റം സോഷ്യല്‍ മീഡിയയില്‍ വൈറലായിരിക്കുകയാണ്.
കാലിഫോര്‍ണിയയിലെ സാന്‍ ഡീഗോ മൃഗശാലയിലെ അന്തേവാസിയായ കടും ചുവപ്പ് നിറത്തിലുള്ള പക്ഷിയാണ് വാര്‍ത്ത അവതരണത്തിനിടെ ഇടിച്ചുകയറിയത്. കെഎഫ്എംബി ടിവിയുടെ മോണിംഗ് ഷോ ആയ 'സൂ ഡേ' യില്‍ പങ്കെടുപ്പിക്കാന്‍ വേണ്ടിയാണ് പക്ഷിയെ കൊണ്ടുവന്നത്. എന്നാല്‍ ചാനലുകാര്‍ വിചാരിച്ചപോലെയല്ല പരിപാടി നടന്നത്.
നിഷില്ലെ മെഡിനയും അവരുടെ സഹ അവതാരകനുമായ എറിക് കഹ്നെര്‍ട്ടും സൂ ഡേയെക്കുറിച്ച് പറഞ്ഞുകൊണ്ടിരിക്കുന്നതിനിടയ്ക്ക് പക്ഷി പറന്നു വന്ന് നിഷില്ലെയുടെ തലയില്‍ സ്ഥാനം പിടിക്കുകയായിരുന്നു. ഇത് കണ്ട് എറിക്ക് ചിരിക്കാന്‍ തുടങ്ങിയെങ്കിലും നിഷില്ലെ ശാന്തമായി ഇരുന്ന് ചെറിയ ചിരിയോടെ തന്റെ അവതരണം തുടര്‍ന്നു. നിഷില്ലെയുടെ തലയില്‍ ഇരുന്ന് എറിക്കിന്റെ കൈയില്‍ കൊത്താനും പക്ഷി ശ്രമിക്കുന്നുണ്ടായിരുന്നു. തുടര്‍ന്ന് അവരുടെ തലയില്‍ നിന്ന് പറന്നു ഉയര്‍ന്ന് എറിക്കിന്റെ തലയില്‍ ഇരിക്കാന്‍ പക്ഷി ഒരു ശ്രമം നടത്തി. എന്നാല്‍ തന്റെ സഹപ്രവര്‍ത്തകയെപ്പോലെ അത്ര ശാന്തനല്ലാത്തതിനാല്‍ എറിക് അതില്‍ നിന്ന് വിദഗ്ധമായി രക്ഷപ്പെട്ടു. ഇതോടെ പക്ഷി അവതാരകരെ വിട്ട് പറന്നുപോവുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
